Padayong Moingon, “Umari!” Ngadto Kanilang Mapatalinghogon
1 Gipasiugda ni Jesus ang panginahanglan sa mga tawong maminaw gayod sa mensahe sa kamatuoran. (Mat. 11:15; 13:9, 43) Hibalo siyang importante alang kanila nga masabtan ang iyang pagtulon-an, sanglit kay siya mihatag man ug kahibalo nga motultol sa kinabuhing dayon.—Juan 17:3.
2 Ang maong nagahatag-kinabuhi nga kahibalo maoy hinungdanong bahin sa “tubig sa kinabuhi” nga karon ginapaabot ngadto sa mga giuhaw. (Pin. 22:17) Ang tanan karon nga giuhaw sa pagkamatarong gikinahanglang mapalig-on nga mopahimulos sa mahatagon walay bayad nga gasa nga iya ni Jehova. (Isa. 55:1) Ikaw ba apil sa mga minilyon karon kinsa nagaingon, “Umari!” ngadto kanilang mapatalinghogon?
KON UNSAON MO SA PAG-INGON NGA “UMARI!”
3 Ang Mayo mao ang ikaduhang bulan sa atong kampanya sa suskrisyon sa Bantayanang Torre. Unsa man ang mas maayong instrumento ang mabatonan aron ipatagad ang kahibulongang tagana ni Jehova sa kinabuhi? Ang Ang Bantayanang Torre makatabang sa daghan nga makahupot ug kagawasan gikan sa relihiyosong mga patuotuo ug mga kabakakan. Unsang mga kahigayonan nga imong makaplagan sa pagtanyag sa suskrisyon sa Bantayanang Torre?
4 Ang usa ka maayo kaayong paagi sa pagtanyag sa suskrisyon maoy sa pamalaybalay. Apan aduna usab ing uban pang mga paagi, sama sa panahong nagahimog mga balikduaw o nagahatod sa kinabag-ohang mga gula ngadto sa mga tawo diha sa imong rota sa magasin. Ang ubang magmamantala nagamalamposon sa pagkuhag mga suskrisyon gikan sa mga interesadong tawo nga ilang mahibalag sa pagsangyaw sa kadalanan. Atong mapalig-on ang pipila nga mga suskritor na nga magpadalag gasang mga suskrisyon ngadto sa mga higala o mga paryente. Hayan buot mo usab nga gustong magpadalag pipila ka gasang mga suskrisyon. Ikatanyag man usab ang mga suskrisyon ngadto sa mga kailang negosyante, mga kaubanan sa trabaho, o mga klasmet. Maghunahuna ka pa ug ubang mga posibilidad.
PADAYON SA PAG-INGON, “UMARI!”
5 Padayong ipakitang interes sa pagbulig niadtong nagsuskriber sa panahon sa Abril. Paneguroa sa di-madugay mobalikduaw. Tingali imong masugdan silag mga pagtuon sa Bibliya ug isugyot nga mouban sila kanimo sa pagtambong sa mga tigom. Sa imong pagpakitag tim-os nga interes kanila, basin sila mosanong nga mauyonon ug mapalihok sa pag-uswag sa espirituwal.
6 Ang imbitasyon, “Umari!” gipaabot ngadto sa katawhan sa tanang kanasoran. Pinaagi sa iyang Anak nga si Jesus, si Jehova mahinatagong nagapaabot sa gasa sa kinabuhi ngadto sa tanan nga mosanong sa pagdapit, “Umari!” ug “uminom sa tubig sa kinabuhi nga walay bayad.” Aduna ka ba ing bug-os nga pakig-ambit sa pagpaabot sa maong pagdapit ngadto sa uban sa Mayo?