Atong Ministeryo sa Gingharian Adunay Bag-ong Pormat

Sugod sa Oktubreng gula niini, ang Atong Ministeryo sa Gingharian adunay bag-ong pormat o dagway. Ang napauswag nga desinyo magpayano sa produksiyon niini diha sa daghang linguwahe ug magpasayon sa mga magbabasa sa pagpangita sa impormasyon.

Niini nga bag-ong pormat, ang tanang ulohan ug artikulo mahimong buhaton pinaagig kompeyuter. Kini gayod magpayano sa buluhaton sa pagpatik sa Atong Ministeryo sa Gingharian.

Para sa magbabasa, adunay pipila ka kauswagan nga makatabang. Aduna kiniy pagkauniporme sa gidak-on sa mga letra, ug ang typeface (dagway sa patik) nga gipili para sa artikulo madaling mabasa, bisan sa gagmayng letra. Ang report sa pag-alagad sa kanataran mas masayon nga basahon. Usab, ang lintunganay nga mga artikulo sagad makita sa panggawas nga mga panid, ug kadaghanan sa mga artikulo humanon diha ra sa samang panid. Ang Tigom sa Pag-alagad nga programa, eskedyol sa Pagtuon sa Libro, taho sa binuhatan, Mga Pahibalo, Teokratikanhong mga Balita, Mga Tigom sa Dayon na nga Pagsangyaw, Ulohan nga Mahisgotan, ug Pangutana makaplagan sa pangsulod nga mga panid.

Kami nagalaom nga kining instrumentoha mahimong mas epektibong tabang sa buluhatong pagsangyaw sa maayong balita sa Gingharian ug sa paghimog mga tinun-an.