Andama ang Imong Presentasyon sa Marso
1 Sa dihang nagatanyag sa librong Gisukna sa mga Batan-on sa Marso, makapamalandong ka kon sa unsang paagi makagamit ka ug usa ka kasulatanhong tema aron pagpaila niana. Walay duhaduha makaplagan nimong mapuslanon ang pagkakat-on ug paggamit sa usa o sa tanang mosunod sinugyot nga mga presentasyon.
2 Ang Yuta—Malungtarong Puy-anan sa Tawo: Kon buot nimong mosugod ug panaghisgot sa mga batan-on kinsa nabalaka bahin sa yuta ug sa palibot niini, sulayi ang temang “Ang Yuta Molungtad sa Walay Kataposan Ingong Puy-anan sa Katawhan.” Ang mga kasulatang mahimong imong gamiton mao ang Isaias 45:18 o Ecclesiastes 1:4. Ang tema ug mga kasulatan makaplagan diha sa librong Gisukna sa mga Batan-on sa mga panid 306-7, mga parapo 3-5.
3 Human ikapaila ang kaugalingon, makaingon ka:
◼ “Ako mihimog mubong pagduaw aron paghisgot sa usa ka butang nga may kalabotan kaayo sa kadaghanan kanato. Ang yuta mao ang atong puy-anan, ug walay duhaduha ikaw usab nabalaka sa paagi nga kini gidaot. May nakita ka bang bisan unsang solusyon sa suliran? [Hunong alang sa komento.] Sa mubo, buot nakong ipakita kanimo kon unsay giingon sa Bibliya mahitungod sa kaugmaon sa yuta sa Ecclesiastes 1:4.” Basaha ang teksto, ug ipakita ang mga komento sa mga parapo 3 ngadto sa 5 sa mga panid 306-7 sa librong Gisukna sa mga Batan-on.
4 Pagkadaotan Wagtangon: Aron makapadani sa katawhan kinsa nabalaka bahin sa krimen ug kabangis, buot nimong gamiton ang temang “Pagkadaotan Wagtangon Aron Kadtong Nahigugma sa Diyos Makapahimulos sa Kinabuhi ug Pakigdait.” Gamitang Salmo 37:2, 9-11 ug panid 216, parapo 4, sa librong Gisukna sa mga Batan-on.
5 Human sa pagpaila sa imong kaugalingon, ikaw makaingon:
◼ “Gihunahuna ba nimong moabot ang panahon nga dili na kita makigbisog sa krimen ug kabangis? [Tugoting motubag.] Ang Bibliya nagapunting sa malungtarong solusyon dinhi sa Salmo 37:2, 9-11.” Basaha ang teksto ug paklia ang panid 216 sa librong Gisukna sa mga Batan-on aron basahon ang parapo 4.
6 Ang Paglaom sa Pagkabanhaw: Sanglit dihay panahon ang matag usa nawad-an sa usa ka minahal diha sa kamatayon, makapalipay ang paghisgot sa ulohang “Pagmando sa Gingharian Mopasig-uli sa Kinabuhi sa Namatayng mga Minahal Ubos sa Paraisong mga Kahimtang.” Magamit mo ang bisan hain sa Juan 5:28, 29 o Buhat 17:31 ug ipakita ang mga komento sa maong ulohan ug teksto diha sa librong Gisukna sa mga Batan-on, panid 132, parapo 1.
7 Makasugod ka sa ikaduhang introduksiyon ubos sa “Pagkatigulang/Kamatayon” diha sa librong “Nangatarongan” ug unya moingon:
◼ “Ngadtongadto ang kadaghanan kanato makahunahuna sa atong mga minahal nga nangawala diha sa kamatayon. Apan gibati ba nimong makita nato sila pag-usab? [Tugoting mokomento.] Daghang tawo natingala sa pagkakat-on nga ang Pulong sa Diyos nagasaad ug usa ka pagkabanhaw dinhi mismo sa yuta.” Unya gamitang bisan hain sa Juan 5:28, 29 o Buhat 17:31, ug parapo 1 sa panid 132 sa librong Gisukna sa mga Batan-on.
8 Andama ug gamita ang usa o tanan niining mga presentasyona niining bulana. Kon diyutay lang interes ang gipakita, itanyag ang usa ka ‘tract’ nga naghisgot sa susamang ulohan.