Hatagig Kaayohan ang Uban Pinaagig Paggamit sa mga Magasin

¹ Pagkamapasalamaton nato sa pagdawat sa kinabag-ohang mga gula sa Ang Bantayanang Torre ug Pagmata! Atong gimahal ang kahigayonan sa pagbasa dayon niana aron nga makabenepisyo kita gikan sa impormasyon nga gipresentar. Dugang pa sa pagpangitag materyal nga makatabang nato sa personal, maoy maayong ideya ang pagpangita sa mga puntos nga magamit sa pagtanyag sa mga magasin ngadto sa uban. Buot natong markahan ang mga bahin nga ilabinang makapadani kanilang anaa sa teritoryo sa atong kongregasyon o bisan maghimog mga nota sa mga panaplin sa atong kopya aron pagpahinumdom sa atong kaugalingon sa mga puntong igsusulti ug kon sa unsang paagi ang artikulo ikatanyag sa lokal.

² Ang atong mga magasin adunay mapinadayonong bili. Bisan pag hatagan natog pangunang pagtagad ang pagtanyag sa bag-ong mga magasin, dili kinahanglang isalindot ang daandaang mga gula, kay ang impormasyon mismo dili man mohupas sa petsa. Hupti ang daang mga gula sulod sa imong bag aron mabatonan kana sa dihang magasangyaw. Kana ilabinang mapuslanon sa dihang mahibaloan na ang usa ka espisipikong panginahanglan sa tagbalay.