Watchtower ONLINE NGA LIBRARYA
Watchtower
ONLINE NGA LIBRARYA
Cebuano
  • BIBLIYA
  • PUBLIKASYON
  • MGA TIGOM
  • km 3/96 p. 2
  • Pangutana

Walay video nga available.

Sorry, dunay problema sa pag-load sa video

  • Pangutana
  • Atong Ministeryo sa Gingharian—1996
  • Susamang Materyal
  • Tabangi ang Tigulang ug Baldado
    Atong Ministeryo sa Gingharian—1988
  • Pagsuportar sa Buluhaton sa Gingharian Diha sa Inyong Dapit ug sa Tibuok Kalibotan
    Organisado Aron Buhaton ang Kabubut-on ni Jehova
  • Pagtagana sa mga Panginahanglan sa Atong mga Tigulang—Usa ka Kristohanong Hagit
    Ang Bantayanang Torre Nagapahayag sa Gingharian ni Jehova—1988
  • Ikaw ba Makatabang?
    Atong Ministeryo sa Gingharian—1999
Uban Pa
Atong Ministeryo sa Gingharian—1996
km 3/96 p. 2

Pangutana

▪ Tukma ba nga moamot alang sa sakyanan nga gitagana sa uban?

Ang pipila kanato nagadepende gayod sa uban alang sa tabang sa regular nga pagtambong sa mga tigom ug pakig-ambit sa pag-alagad sa kanataran. Daghang igsoong lalaki ug babaye ang mahigugmaong nagagamit sa ilang panahon, mga sakyanan, ug uban pang kahinguhaan sa pagtaganag masakyan alang kanato. Bisan tuod tingali sila lagmit kinahanglang mangandam nga mas sayo kay sa kasagaran nilang ginahimo ug maulahi sila sa pagpauli sa balay, sila nagataganag sakyanan inubanan sa mahinangpong espiritu.

Sama sa ubang bahin sa atong Kristohanong ministeryo, ang prinsipyong makaplagan sa Galacia 6:5 mapadapat: “Ang matag usa magapas-an sa iyang kaugalingong luwan.” Busa, kon adunay regular nga nagataganag sakyanan alang kanato, kinahanglang ipakita nato ang atong pagpabili dili lamang sa atong mga pulong apan pinaagi usab sa usa ka makataronganong amot sa pagtabang alang sa mga galastohan nga nalangkit kon kita makaarang niana.—Mat. 7:12; 1 Cor. 10:24.

Bisan pa kon ang tawo nga nagagamit sa iyang sakyanan dili mangayo ug pinansiyal nga tabang ug daw wala manginahanglan niana, ang sinserong pagtanyag ug amot kanunayng ginapabilhan. Ang drayber tingali mobalibad sa pagdawat sa bisan unsa; ug, natural, kana maoy paghukom nga kinahanglang siya ang magahimo. Apan maoy tukma alang kanimo nga himoon ang pagtanyag. Kon ikaw dili makaarang sa pag-amot sa bisan unsa nianang panahona, mahimong huptan nimo kana sa hunahuna; hayan ikaw makaarang sa pagtanyag ug dugang pa sa sunod panahong dawaton nimo ang pagpasakay.—Luc. 6:38.

Pagkamahigugmaon kayo alang kanilang adunay mga sakyanan sa pagtaganag masakyan alang sa uban nga wala. (Prov. 3:27) Sa samang panahon, maoy mahigugmaon usab alang kanilang nakapahimulos sa maong kalulot nga ipahayag ang pagkamapasalamaton pinaagig pag-amot uyon sa ilang mga kahimtang.—Col. 3:15.

    Cebuano Publications (1983-2025)
    Log Out
    Log In
    • Cebuano
    • Ipasa
    • Setting
    • Copyright © 2025 Watch Tower Bible and Tract Society of Pennsylvania
    • Kondisyones sa Paggamit
    • Polisa sa Pribasiya
    • Mga Setting sa Pribasiya
    • JW.ORG
    • Log In
    Ipasa