Mga Tigom sa Pag-alagad Alang sa Marso
Semana sa Marso 4-10
10 min: Lokal nga mga pahibalo ug Mga Pahibalo gikan sa Atong Ministeryo sa Gingharian.
15 min: “Dayega si Jehova sa ‘Tibuok Adlaw.’” Pangutanag tubag. Basaha ang mga parapo 2-5. Dasiga ang regular ug oksilyare payunir nga buluhaton.
20 min: “Pagtanyag sa Librong Kahibalo nga motultol sa Kinabuhing Walay Kataposan.” Repasohang gisugyot nga mga presentasyon. Hikayang usa o duha ka pasundayag.
Awit 78 ug paniklop nga pag-ampo.
Semana sa Marso 11-17
10 min: Lokal nga mga pahibalo. Taho sa kuwenta.
20 min: “Pagkuhag Kaayohan Gikan sa Teokratikanhong Ministeryong Tunghaan sa 1996—Bahin 3.” Pakigpulong pinaagig magtatan-aw sa tunghaan. Isaysay ang mga lagda sa paglitok ug mga ngalan sa Bibliya, nga makaplagan diha sa “Tibuok Kasulatan” nga libro, mga panid 325-6, mga parapo 27-8.
15 min: Himoa ang Tanang Butang nga Nagkahiusa Ingong Usa ka Pamilya. Usa ka amahan nagapakigsulti sa iyang pamilya bahin sa panginahanglan sa panaghiusa, pinasukad sa Septiyembre 1, 1993, Bantayanang Torre, mga panid 16-19. Ipasiugda ang pagtuon sa pamilya ug ang buluhatong pagwali. Ipunting kon sa unsang paagi ang modernong mga pamilya nagakabungkag tungod kay diyutay ang ilang gigahing panahon nga magkahiusa ug wala ing duyog nga mga interes. Ang pagtuon sa Pulong sa Diyos ug duyog nga pakig-ambit sa ministeryo maoy usa ka panalangin ngadto sa Kristohanong pamilya. Ang pamilya mahiusa ug mapalig-on sa pagsagubang sa nagatubong mga pagpig-ot ngadto sa pagkakalibotanon.
Awit 211 ug paniklop nga pag-ampo.
Semana sa Marso 18-24
10 min: Lokal nga mga pahibalo. Kadtong nagadumalag mga pagtuon kinahanglang magadasig sa mga bag-ohan kinsa maayo ang pag-uswag nga mahimong di-bawtismadong mga magmamantala. Sublia ang paagi diha sa Orgnisado sa Pagtuman sa Atong Ministeryo, mga panid 97-100.
15 min: Repasohang Dagkong mga Puntos sa 1996 Yearbook of Jehovah’s Witnesses. Usa ka grupo sa pamilya nagahisgot sa pipila ka makapainteres nga mga bahin maylabot sa atong binuhatan sa tibuok kalibotan nga gikobrehan sa mga panid 3-5 ug 33. Sila nagauyon nga duyog nilang basahon matag adlaw ang pipila ka panid sa Yearbook human nila matagad ang teksto diha sa Pagsusi sa Kasulatan sa Adlaw-Adlaw.
20 min: “Tabangi ang Uban sa Paghupot sa Kahibalo nga Motultol sa Kinabuhi.” Repasohang gisugyot nga mga presentasyon ug maghimog usa o duha ka pasundayag.
Awit 130 ug paniklop nga pag-ampo.
Semana sa Marso 25-31
15 min: Lokal nga mga pahibalo. Repasoha ang “Mga Pahinumdom sa Memoryal.” Isaysay kon nganong hinungdanon ang pagtambong. (Tan-awang Pebrero 15, 1985, Watchtower, mga panid 18-20 [Agosto 15, 1985 sa Cebuano].) Repasong mga plano sa pagtabang sa mga tigulang, mga baldado, ug mga bag-ohan nga makatambong. Hisgoting mga kahikayan alang sa pagpalapad sa pag-alagad sa kanataran nga kalihokan sa sunod semana. Usab, repasohang artikulo, “Ang Dapit Diin Pakitaan ug Pagkamaabiabihon ang mga Estranghero,” sa panid 32 sa Septiyembre 22, 1995, gula sa Pagmata!
15 min: “Pangutana.” Pakigpulong pinaagig ansiyano. Hisgoting mga katarongang magmahinatagon, segun sa gilaraw sa Enero 15, 1992, Bantayanang Torre, mga panid 16-17.
15 min: “Pagpangandam—Yawi sa Kalamposan.” Pangutanag tubag. Hisgoti nga ato unyang igatanyag Ang Bantayanang Torre ug Pagmata! sa Abril ug Mayo. Mangandam na karon pinaagig pag-order ug ekstrang mga kopya, pagbaton ug mga subscription slip, ug paghimog mga plano sa pagsuportar sa kalihokan sa espesyal nga Adlaw sa Magasin.
Awit 7 ug paniklop nga pag-ampo.