HAKMONI

[lagmit, Maalamon].

1. Katigulangan ni Zabdiel ug sa iyang anak nga lalaking si Jasobeam. Si Jasobeam mao ang pangulo sa pangunang tulo ka gamhanang mga tawo ni David ug gitawag nga “anak nga lalaki sa usa ka Hakmonhon.” (1Cr 11:11; 27:2) Ang “Hakmonhon” giespeling nga “Takemonhon” sa 2 Samuel 23:8. Kon ang 1 Cronicas 12:6 nagtumong sa mao ra nga Jasobeam, ang mga Hakmonhon maoy mga kaliwat ni Kore nga Levihanon.​—Tan-awa ang JOSEB-BASEBET.

2. Amahan o katigulangan ni Jehiel. Si Jehiel maoy kauban sa mga anak nga lalaki ni Haring David, tingali ingong pribadong instruktor. (1Cr 27:32) Lagmit nga mao ra usab ang Num. 1.