Sa Unsang Paagi Gisuportahan sa Pinansiyal ang Buluhaton sa mga Saksi ni Jehova?

Ang among tibuok kalibotang buluhaton gisuportahan pinaagig boluntaryong mga donasyon sa mga Saksi ni Jehova.a Ang among mga tigomanan dunay mga donation box, ug ang ubang paagi sa paghatag ug donasyon makita sa seksiyong Donasyon, diha sa among website. Dunay lainlaing opsiyon nga gitagana aron ang usa makapili sa paghatag ug donasyon para sa among tibuok kalibotang buluhaton, sa lokal nga mga galastohan, o nianang duha.

Ang mga Saksi ni Jehova wala pangayoi ug ikapulo o espesipikong kantidad o porsiyento sa ilang kinitaan. (2 Corinto 9:7) Dili mi mangolekta o mangayog bayad aron makatambong sa among mga tigom. Ang among mga ministro dili magpabayad para sa bawtismo, lubong, kasal, o ubang relihiyosong mga serbisyo. Dili mi magpatunghag pondo pinaagig pagpamaligyag tinapay, pagpaninda, pagpa-bingo, pagpahigayon ug karnabal, pag-organisar ug panihapon, pagparapol, o susamang kalihokan. Dili sab mi mangayog donasyon. Ang personal nga impormasyon bahin sa naghatag ug donasyon dili ipahibalo sa uban. (Mateo 6:2-4) Ang among mga website ug publikasyon walay mga advertisement.

Ang matag kongregasyon sa mga Saksi ni Jehova dunay binulang report diha sa ilang mga tigom, ug makita kini sa tanan. Ang mga rekord sa accounts sa matag kongregasyon regular nga ginaawdit aron maseguro nga ang mga donasyon gigamit sa hustong paagi.—2 Corinto 8:20, 21.

Mga Paagi sa Paghatag ug Donasyon

• Donation box: Puwede kang maghulog ug kuwarta o tseke sa mga donation box diha sa mga Kingdom Hall, Assembly Hall, o sa ubang dapit diin mi magtigom.

• Online nga mga donasyon: Sa daghang nasod, puwede nimong gamiton ang seksiyong “Mag-donate sa mga Saksi ni Jehova” sa paghatag ug mga donasyon pinaagig credit card, debit card, bank transfer, o ubang elektronikong paagi.b Ang pipila ka Saksi midesisyon nga “maggahin” ug espesipikong kantidad kada bulan pinaagi sa pag-eskedyul ug awtomatikong mga donasyon gamit ang usa niana nga mga pamaagi.—1 Corinto 16:2.

  

• Planned giving: Ang pipila ka paagi sa paghatag ug donasyon nagkinahanglag abanteng pagplano ug/o legal advice. Pinaagi sa maong pagplano, puwedeng mapahimuslan nimo ang mga tax benefits sa inyong nasod. Daghan ang nakabenepisyo kay nahibalo sila bahin sa charitable gift nga mahimong himoon samtang buhi pa o moepekto dihang ang usa patay na. Alang sa dugang nga detalye, palihog kontaka ang sangang buhatan sa mga Saksi ni Jehova sa inyong lugar kon gusto kang mohatag ug donasyon pinaagig:

  • bank accounts

  • insurance and retirement plans

  • real estate

  • stocks and bonds

  • wills and trusts

Alang sa dugang nga impormasyon kon unsay mga pamaagi sa paghatag ug donasyon sa inyong lugar, tan-awa ang seksiyong “Mag-donate sa mga Saksi ni Jehova.”