Okorobya

Eki Yesu yakozire

VIDIYO: Yesu akatanga ecokureberaho ekiri kwereka oku Tata witu ari kutufaho

1. Reba VIDIYO, ninga shi oshome omuri Matayo 6:25-27. Bwanyima oshwijume ebi bibuzo:

1. Ni bata oku Yesu yayerekire ku Yehova ari kutufaho?

2. AN’obu Yesu yabire ari kumanya byingi aha bikwatirine n’enyonyi, ni biha bintu bice ebi yafireho? Ahabw’enki obwo bwabire buri oburyo burungi bw’okwegesa?

Ni enki eki turi kwegera ahari Yesu?

2. Ku turi kwegesa abantu omu buryo obworobi, nikituma bagumizamu kwijuka ebi bayega kandi tubahika aha mutima.

Toreza Yesu

3. Yerinde kugamba byingi. Omu mwanya g’okugamba ebintu byona ebi ori kumanya aha bi muri kwegaho, guma ofe aha biri omu kitabo. Wamara kubuza ekibuzo, ogume otegereze kuhisa yakugarukamu. Yaba atakugarukiremu ninga yatanga ekitecerezo ekiri kutana n’enyegesa y’omuri Bibuli, mubuze akandi kabuzo akaratume yahika aha cokugarukamu kirungi. Omwegi wawe yacenga enshonga nkuru, nimubasa kugumizamu.

4. Guma okwase omwegi wawe kubuganisa enyegesa sya n’ebi ashangirwe ari kumanya. Ecokureberaho: Mbere y’okwega ebikwatirine n’okuzoka, nobasa kubuza omwegi akugambira ebi ari kumanya aha mbera ezi abafire barimu.

5. Koresa ge ebyokureberaho. Mbere y’okukoresa ecokureberaho, yebuze ngu:

1. ‘Mbehi eki cokureberaho corobi?’

2. ‘Mbehi omwegi wange nayija kukishoborocerwa?’

3. ‘Mbehi nikija kukwasa omwegi wange kwijuka enshonga nkuru omu mwanya g’okuba ari co yaguma ari kwijuka kusha?’