Obumanzi

Eki Yesu yakozire

VIDIYO: Yesu akahabura omusigazi w’omutungi kandi w’omutegeki

1.Reba VIDIYO, ninga shi oshome omuri Mariko 10:17-22. Bwanyima oshwijume ebi bibuzo:

1. Ni eha micwe mirungi eyi Yesu yarebire omu musigazi w’omutungi owabire acari muto?

2. Ahabw’enki Yesu yabire ari kwetenga kwereka rukundo n’obumanzi kugira ngu ahabure ogo musigazi?

Ni enki eki turi kwegera ahari Yesu?

2. Tushemerire kugamba omu muringo gwa rukundo konka tutari kushereka kugira ngu tukwase abegi bitu ba Bibuli kutunguka omu by’omwika.

Toreza Yesu

3. Kwasa omwegi wawe kweteraho entego n’okuzihikaho.

1. Guma okorese akatwe akari kugira ngu “Entego” akari omuri buri ishomo ry’ekitabo Shemerererwa amagara ebiro byona!

2. Kwasa omwegi wawe kumanya ebintu ebi ari kubasa kukora kugira ngu ahike aha ntego z’obwire buce n’ez’obwire buringwa.

3. Guma osime omwegi wawe ahabw’entunguka ezi ari kugira.

4. Manya ebizibu ebiri kumuzibira kugira entunguka kandi omukwase kubisingura.

1. Yebuze ngu:

   • ‘Yaba omwegi wange yatinzire kubatizibwa, ni enki ekiri kumuzibira?’

   • ‘Ni buha buyambi obu ndi kubasa kumuha?’

2. Shaba Yehova ngu akuhe obumanzi bw’okumugambira otari kumushereka eki ashemerire kukora kandi eco okikore omu muringo gwa rukundo.

5. Guma oreke abegi ba Bibuli abatari kutunguka.

1. Shwijuma yaba omwegi wawe wa Bibuli ari kugira entunguka ori kwebuza ngu:

   • ‘Mbehi omwegi wange ari kuta omu bikorwa ebi ari kwega?’

   • ‘Mbehi nayekwatanisa omu nterane kandi yatandikire kugambira abandi amazima agu yayegire?’

   • ‘Mbehi yaba mwamara obwire buringwa muri kwega, nayenda kuba Omuhamya wa Yehova?’

2. IYaba omwegi wa Bibuli atari kugira entunguka:

   • Mushabe ashwijume ebiri kumuzibira.

   • Mushobororere enshonga waza kwemereza kumwegesa, konka okikore omu bwenge.

   • Mukwase kumanya entunguka ezi ashemerire kubanza yakora mbere y’okushuba kumwegesa.