¿Kácheʼda puede ajnek chʼajatak u jinob ni familiajob?

LU KE U YELEʼ NI BIBLIA

«¡Más chʼaʼa ujinob machkatak u yubin u tʼan Dios, i u tsʼonɨn!» (Lucas 11:28, U Chʼuʼul Tʼan Dios tɨ yokotʼan.)

KACHE U TƗKLENONLA KƗ WINAʼTANLA

A kɨ polenla umpʼe toj yajinlé (Efesios 5:28, 29).

U je tɨ ajne respetu (Efesios 5:33).

U je tɨ ajne konfianza tɨkʼala (Marcos 10:6-9).

¿YAʼAN NI RAZONES TA KE TSʼONONLA LU KE U YELEʼ NI BIBLIA?

Yaʼan chapʼe:

• Dios u chi ni familia. Ni Biblia u yeleʼ ke aj Jehová Dios u loto-jesí ni najtɨkɨ-winik i najtɨkɨ-ixík (Génesis 2:18-24). Jinukʼa, yaʼan ni familia kʼa aj Jehová u chi. ¿Kokʼa debe ke yinaʼtanla?

  Chen pensá de jinda: Si ajneket a kʼuxeʼ umpʼe jetsʼɨkna a pa kʼux i a wó a yinaʼtan kamba u tsʼɨkɨlib, ¿kóne a je a kʼatben? Jin bajka u chi.

  Kaini chi, si a wó a yinaʼtan kamba u tsʼɨkɨlib ta ajnek chʼaja u jin a familia, debe a kʼatben aj Jehová, kʼa une u chi.

• Dios u yajinonla. Ane i a familia debe a sakɨnla tan Biblia u konseju ni aj Jehová, kʼa «u kɨnɨntanetla» (1 Pedro 5:6, 7). Aj Jehová u yolín lu ke más utʼs tɨkʼala. Jinukʼa, u konseju puede u tɨk-lenet u pete tiempu (Proverbios 3:5, 6; Isaías 48:17, 18).