¿U je tɨ kuxpan u pete ke a laj chɨmijoʼb?

LU KE U YELEʼ NI BIBLIA

«Dios u xe u kuxpesan ajchɨmejob.» (Hechos 24:15, U Ch’u’ul T’an Dios tɨ yokotʼan.)

KACHE U TƗKLENONLA KƗ WINAʼTANLA

A kɨ polenla consuelu si u chɨmo untú ke a kolinla (2 Corintios 1:3, 4).

Mach kɨ bɨktanla ni chɨmo (Hebreos 2:15).

A ke winaʼtanla ke u je te sukté kɨ chinenla jin a chɨmi ke a kolinla (Juan 5:28, 29).

¿YAʼAN NI RAZONES TA KE TSʼONONLA LU KE U YELEʼ NI BIBLIA?

Yaʼan uxpʼe:

• Ni Dios u yekʼe ni kuxle. Ni Biblia u yeleʼ ke tʼo aj Jehová yaʼan ni kuxle (Salmo 36:9; Hechos 17:24, 25). Si une u yekʼi kuxle ta u pete jin kuxu, une chi puede u sutatsʼben jin a chɨmi.

• Dios u kuxpesí ojni personajoʼb. Ni Biblia u yeleʼ ocho kasu ke a kuxpesintik (winikoʼb, ixíkták i bijchʼok) i ke a sukwenijoʼb tɨ kuxle pan káb. Yaʼan mach to u jɨlɨkna u chɨmo; peru untú winik chempʼe kʼin ke a chɨmi (Juan 11:39-44).

• Ni Dios yo u sutatsʼben u kuxle u pete ke a chɨmi. Aj Jehová mach yo ni chɨmo, u chinen kaʼ untú enemigu (1 Corintios 15:26). Yo tʼo u pete u pixan u tsupsem jimba enemigu al u tesen ni kuxle. Yo u chinen kuxlik te chaʼlum pan kaʼb u pete ke u kʼajtiʼin (Job 14:14, 15).