¿Kóne de toj u chen mandá pan kaʼb?
¿Kache a weleʼ...
... Dios?
... winik?
... umpʼe fuerza ke mach kuyila kɨda u te?
LU KE U YELEʼ NI BIBLIA
«Ni machkatak kuxujob pankaʼb ke mach u tsʼonɨjobba, u pete yaʼan tu kʼɨb [aj Manap].» (1 Juan 5:19, U Chʼuʼul Tʼan Dios tɨ yokotʼan.)
«Pero u Yajloʼ kɨ Papla Dios, jin tuba juli, tuba u tsupsɨben u poder [...] [ni] diablo.» (1 Juan 3:8.)
KACHE U TƗKLENONLA KƗ WINAʼTANLA
A kɨ winaʼtanla kɨda u laj te ni kʼuxejob pan kaʼb (Apocalipsis [Revelación] 12:12).
U je tɨ ajne razones tɨkʼala ta kɨ pitɨnla umpʼe pitsil kaʼb (1 Juan 2:17).
¿YAʼAN NI RAZONES TA KE TSʼONONLA LU KE U YELEʼ NI BIBLIA?
Yaʼan uxpʼe:
U mandá aj Satanás u je tɨ tsupsínte. Aj Jehová u yolín u tsupsem u mandá aj Satanás ke yaʼan tʼo ni gente. Une u chen prometé «u tsupsɨben u poder ni diablo» i une u je u toʼesan u pete lu ke mach utʼs u chi aj Manap (Hebreos 2:14).
Aj Jesucristu a yakintik tʼo Dios ta u chen mandá. Jin yaʼan tɨ mandá baʼa pan kaʼb, une chi a xuxle i solo de une u chen pensá. Aj Jesús mach kaʼ aj Manap. Jinukʼa, Dios u chen prometé ke tʼo u Reinu ni aj Cristu: «U je u cheʼmben yajín bajka humilde i ni pobrejob [...]. De ni kʼuxe i de nuka buya u je u japɨn» (Salmo 72:13, 14, Traducción del Nuevo Mundo).
Dios mach u che jopʼojtiʼ. Ni Biblia tu tojá u yeleʼ ke «Diosba mach u chʼɨ u chen u jopʼojtiʼ» (Hebreos 6:18). Jinukʼa te aj Jehová u chen prometé umpʼe kosa, kaini chi u je u chen (Isaías 55:10, 11). Une u chi prometé ke «ni ajnoja [o jin yaʼan tɨ mandá] tuba jinda u pankaʼb u xe tɨ paʼsinte» (Juan 12:31).
KʼATEN ABA
¿Kácheʼda u je tɨ ajne pan kaʼb sin u mandá aj Satanás?
U pʼalinte tɨ SALMO 37:10, 11 i APOCALIPSIS (REVELACIÓN) 21:3, 4.