¿U je tɨ jule kʼin ke u je tɨ xupo u pete kʼuxe?

LU KE U YELEʼ NI BIBLIA

«Dios u xe u sukben u kʼɨbjutob. Mach uniʼ xin tɨ chɨmo niuntu. Mach u niʼ chʼokoma [ji tɨ kʼuxe] u pixan niuntu i mach u niʼ che ukʼe i mach uniʼ xin u naʼtan niumpʼe kʼuxtɨkle tɨkɨ, ukʼa kuaʼ chichka jini ajni mach niʼ an bada.» (Apocalipsis [Revelación] 21:4, U Chʼuʼul Tʼan Dios tɨ yokotʼan.)

KACHE U TƗKLENONLA KƗ WINAʼTANLA

A kɨ je kɨ winaʼtanla de toj ke Dios mach une u tɨsen u pete kʼuxe (Santiago 1:13).

U je u chenonla konsolá al kɨ kɨneʼla ke ni Dios u chen entendé ni kʼuxe tɨkʼala (Zacarías 2:8).

A kɨ je kɨ pitɨnla ke u je tɨ jule kʼin ke u je tɨ xupo u pete kʼuxe (Salmo 37:9-11).

¿YAʼAN NI RAZONES TA KE TSʼONONLA LU KE U YELEʼ NI BIBLIA?

Yaʼan chapʼe:

• Dios mach yo u chinen ni kʼuxe i ni xuxle. ¿Kácheʼda u chuba sentí aj Jehová ojni al yibajtesintik ni u kaj? Ni Biblia u yeleʼ ke u chi sentí kʼuxe al u chinen ke otro naciónob kácheʼda «u lubnojijob» o u cherbijob xuxle (Jueces 2:18).

  Dios mach u chine utʼs jin bajka u yibajtesan u lotob. Jinukʼa, ni Biblia u yeleʼ ke mach yo u chinen «kʼɨb ke u paʼsen chʼichʼ ta gente ke mach u che xuxle» (Proverbios 6:16, 17).

• Ni Dios u yajin kada-juntú de ni gente. Aj Jehová u yelbenonla keʼbenla u pete kʼuxe tɨkʼala tʼo une «tuba u kɨnɨntanetla» (1 Pedro 5:7).

  Tʼo u Reinu, ni Dios tsʼitaʼ yo ta u tsupsem ni kʼuxe de kada-juntú de ni gente (Apocalipsis 11:15). Jinukʼa bada, yaʼan u chʼemben yajin u pete ke u sakɨn tʼo u pixan (Hechos 17:27; 2 Corintios 1:3, 4).