¿Kácheʼda debe kɨ chinenla ni Reinu ta Dios?

LU KE U YELEʼ NI BIBLIA

«Ni poder tuba utik manda u pankaʼb u yɨkʼbinte bada tu kʼɨb Kajnojala Dios, nɨmteʼ tʼok aj Cristo, jini machka u yaki Dios tuba u chen mandaba. Mach uxin tɨ ajtɨ kʼin xupik u chen manda uneba.» (Apocalipsis [Revelación] 11:15, U Chʼuʼul Tʼan Dios tɨ yokotʼan.)

«[Aj Jesús u yeli:] Ɨkʼbinton upete poder tuba kɨ chen kuaʼ chichka tɨ cielo i tu pankaʼb» (Mateo 28:18.)

KACHE U TƗKLENONLA KƗ WINAʼTANLA

• Jinda umpʼe gobiernu tu tojá ke puede u tɨk-lenonla kada-juntújonla (Isaías 48:17, 18).

• Tsʼitaʼ yo ke tan umpʼe tsijíb kaʼb u je u chen ke chʼaja ke jin ajnekonla tɨ kuxle i sin yajob (Apocalipsis [Revelación] 21:3, 4).

¿YAʼAN NI RAZONES TA KE TSʼONONLA LU KE U YELEʼ NI BIBLIA?

Yaʼan chapʼe:

• Aj Jesús u chi demostrá lu ke u je u kʼosen ni Reinu ta Dios. Une u yeʼbi u yaj kɨntʼanob u kʼatɨnob tan oración tik ni Reinu tuba Dios i ke utik lu ke yo ni Dios yida pan kaʼb (Mateo 6:9, 10, Traducción del Nuevo Mundo). Cheʼchi u chi demostrá kácheʼda u je u chen u ba kumplí jimba oración.

  Te ani pan kaʼb, aj Jesús u kʼuxnesi aj jitsʼojob, u tsʼaki jin kʼojotak i u sutatsʼbi u kuxle jin ke a laj chɨmijob (Mateo 15:29-38; Juan 11:38-44). Aj Jesús u chi demostrá lu ke jin pitsi u je u chen ni Reinu ta Dios ta bajka u tsʼonon kʼa une ni Rey ta jimba Reinu (Revelación 11:15).

• Lu ke yaʼan tɨ numé bada u chen demostrá ke ni Reinu tuba Dios tsʼitaʼ yo ta julik. Aj Jesús u yeli ke antes ke tik ni Reinu tuba Dios u tesen ni paz pan kaʼb, u je tɨ ajne ni buya tʼo naciónob, jitsʼo i gran ajchaban o u níken-uba kaʼb (Mateo 24:3, 7).

  Bada yaʼanonla kɨ chinenla u pete ni kosajob da. Jinukʼa kuyila ke tsʼitaʼ yo ke ni Reinu ta Dios u je u toʼesan ni kosajob da.