Ar Ngaseló Seni Isip Tori ewe Áeménún Kingen Israel

Moses a emmweni ekkewe chón Israel seni ar fétek lón Isip tori ewe chuuk Sinai, ikewe Kot a ngeniir an kewe allúk me ie. Mwirin, Moses a tiinaaló engol me rúúemén mwán pwe repwe kútta pwóróusen ewe fénú Kanaan. Nge 10 me leir ra liwin fán repot mi ngaw. Pokiten ena mettóch, ekkewe aramas ra mochen ar repwe liwiniti Isip. Pokiten án chón Israel lúkúlúkúmmang, Kot a apwúngúúr, iwe ra feilfetál lón ewe fénúpéén úkúkún 40 ier.

Mwirin, Josua a kefilitá pwe epwe emmwenaalong ekkewe chón Israel lón ewe fénú Kanaan. Jiowa a efisi ekkewe manaman fán iten an epwe álisiir le liapeni ewe fénú. A pinei konikin ewe chénúpupu Jortan, a oturatiw ttitin Jeriko me a akaúlóói fetálin ewe akkar unusen eú rán. Mwirin wonu ier, ra liapeni ewe fénú seni ekkewe chón Kanaan.

Poputá seni Josua, Israel a nóm fán nemenien ekkewe sou kapwúng ren 356 ier. Sipwe káé usun chómmóng me leir, pachelong Parak, Kition, Jefta, Samson me Samuel. Sipwe pwal álleani pwóróusen ekkóch fefin, usun choweán Rahap, Tepora, Jael, Rut, Naomi me Telila. Lón unusen Kinikin ÚLÚNGÁT a uruwooni uruwoon met a fis lón 396 ier.