Ekkewe Mwich Fän Iten Ach Angangen Afalafal

Wiiken February 11

Köl 74

10 min: Pworausen Esilesil. Äeä ewe afalafal lon pekin taropwe 8 are pwal eü afalafal mi fich ngeni ewe territory. Pwomweni ifa ussun kopwe anöünöü ewe Watchtower minen February 1 me ewe Awake! minen February.

15 min: Ammolnatä le Anöünöü ewe Minefö Chassi. Chon ewe mwichefel repwe uwawu meefier. Mwirin om menlapei masouen ewe Ewe Leenien Mas minen February 2008, eisiniir menni pworaus a mürinnö ngeni aramas lon ewe territory me pwata. Etiwer ar repwe apworausa menni itelap lon ewe chassi repwe fos ngeni aramas ussun. Met sokkun kapas eis repwe tongeni äeä le poputäni ar pworausfengen? Menni wokisin lon Paipel ra tongeni älleäni me lon ewe pworaus? Äeä ewe afalafal lon pekin taropwe 8, pwomweni ifa ussun repwe anöünöü ewe Leenien Mas minen February.

20 min: Älisi Ekkewe Minefö ar Repwe Feffeitä Ussun Chon Afalafal. Mwirin ewe kapasen lepoputään mi kis seni eü minich, föri ewe kapas eis me pölüan seni ewe Ewe Leenien Mas minen May 2006, pekin taropwe 11, nöünöü ekkewe kapas eis mi fen mak lon. Mwirin aweween parakraf 18, pwomweni an emön chon imw änini ngeni emön mineföön chon afalafal nge mi fiti emön mi lipwäköch. Nge ewe mineföön chon afalafal ese kon angangöch le pölüeni, iwe ewe chon imw a awesi ar pworausfengen. Mwirin ar lo seni, ewe chon afalafal mi lipwäköch a mwareiti an chienan we achocho, me a äiti ngeni ifa ussun epwe nöünöü ewe Reasoning puk le pölüeni an aramas kapas mi tongeni atai sopwosopwoloon ar fos ngeniir.

Köl 24

Wiiken February 18

Köl 8

10 min: Pworausen Esilesil. Ekkoch Pworausen Esilesil seni Ach Angangen Afalafala ewe Mwu.

10 min: Minne mi lamot ngeni ewe mwichefel.

25 min: “Eü Pwäratään Lükü!”a Ewe service overseer epwe eäni ei afalafal. Amwüchalo ren om enniwili än ewe mwichefel föfför mi mürinnö lon ewe ier.

Köl 100

Wiiken February 25

Köl 36

10 min: Pworausen Esilesil. Ächchema ngeni chon afalafal ar repwe amasoua nöür repot fän February. Pworausen monien ewe mwichefel. Pwomweni ifa ussun kopwe nöünöü ewe taropween etiwetiw le etiwa emön chon om famili are emön chon orum ngeni ewe Fääf.

20 min:  “Chechchemeni ewe Möön Kepichilo Fiti Kilisou.”b Etiwa chon ewe mwichefel ar repwe uwawu meefier woon ekkewe wokisin ika mi naf fansoun.

15 min: Kopwe Tongeni Angang Ikewe a Wor Osupwang Ie? Afalafal me chon ewe mwichefel repwe uwawu meefier seni ewe Ewe Leenien Mas minen November 2003, pekin taropwe 18. Apachalong ekkoch pworaus seni ewe Ach Angangen Afalafala Ewe Mwu minen March 2007, pekin taropwe 3, parakraf 6, tori pekin taropwe 4, parakraf 3. Interviewini iö kewe ra fen mwöküt ngeni ikewe mi watte ewe osupwang ie. Met sokkun sossot a toriir, me ifa ussun ra pworacho ngeni? Ikkefa ekkewe feiöch ra küna?

Köl 59

Wiiken March 3

Köl 57

10 min: Pworausen Esilesil. Enniwili ekkoch pworaus mi aüchea seni ewe pwor “Minen Ächechchemen ewe Fääf.”

20 min: Kopwe Tongeni Poputäni Emön Chon Käeö fän March? Chon ewe mwichefel repwe uwawu meefier. Fän March sipwe anöünöü ewe Kutta puk me achocho ngeni le poputäni chon käeö. Enniwili ekkoch minen älillis seni ewe puk. Aweweei ifa ussun sipwe nöünöü ei puk atun sia liwiniti ir kewe ra etiwakich me likiti ngeniir ewe taropween etiwetiw, are atun sia liwiniti ekkewe sia anöünöür chassi, are lupwen sipwe anöünöü ewe puk lon ewe angangen afalafal imw me imw mwirin March 22. (Nengeni km 4/99 p. 8, par. 6; km 1/05 p. 5; km 1/02 p. 4.) Pwomweni eü ika ruu ekkena afalafal.

15 min: Nöünöü ewe Paipel le Pölüeni Kapas Eis. Afalafal me chon ewe mwichefel repwe uwawu meefier seni ewe Ministry School puk, pekin taropwe 143-4. Apachalong eü pwoomw mi mwochomwoch ussun än emön eisini emön chon afalafal eü kapas eis chon ena territory ra kan eäni me ewe chon afalafal epwe nöünöü ewe Paipel le pölüeni ena kapas eis.

Köl 90

[Footnote]