Lesen 1

Ifa Ussun Kopwe Tongeni Silei Met Kot A Kutta Sonuk

Ifa ewe poraus mi lamot a mak lon ewe Paipel? (1)

Ewe Paipel, wesewesen forien io? (2)

Pwata kopwe kaeo ewe Paipel? (3)

1. Ewe Paipel, ina eu liffang mi auchea seni Kot. A ussun chok echo taropwe seni emon sam mi tongei noun. A esile ngenikich ewe enlet ussun Kot​—io ena emon me met an ekiek ussun minne mi pwung me mwaal. A awewei ifa ussun sipwe tongeni angang won ekkewe osukosuk me ifa ussun sipwe tongeni kuna pwapwa enlet. Ewe chok Paipel a erenikich met epwe lamot ach sipwe fori pwe sipwe apwapwai Kot.​—Kol Fel 1:1-3; Aisea 48:17, 18.

2. Ukuukun 40 mwan ra makkei ewe Paipel nge ttamen an a mak 1,600 ier iwe, a poputa lon 1513 B.C.E. Ukuukun masouan 66 kukkun puk. Ekkena ra wisen makkei ewe Paipel ra mak fan amwokutuen an Kot we ngun. Ra makkei ekiekin Kot, nge esap pwisin ekiekir. Ina minne, ewe Kot lon lang, nge esap emon aramas won fonufan, I ewe Sou Nemenemen makken ewe Paipel.​—2 Timoti 3:16, 17; 2 Piter 1:20, 21.

3. Kot a tumunu pwe ekkewe kapiin Paipel repwe fisoch me repwe nomofochelo. Ekkewe Paipel mi forutiu ra chommong lap seni ekkewe ekkoch puk meinisin. Esap iteiten aramas meinisin repwe pwapwa ren om kaeo ewe Paipel, nge kesap ukkutiu seni. Om kuna manaufochofoch a alongolong won om kopwe silei Kot me om foffori letipan inaamwo ika epwe wor chon u ngonuk.​—Mattu 5:10-12; Jon 17:3.