LIWINITI
LESEN 7
Tinikken
Kapasen Emmwen: “Rese úkútiw le sópweeló ar asukul me esilefeili ewe kapas allim.”—Féf. 5:42.
Minne Paul A Féri
1. Katol ei VIDEO, are álleani Féffér 19:8-10. Mwirin pwóróusfengen wóón ekkeei kapas eis:
Pwata sia silei pwe Paul a tinikken lón an afalafala ewe kapas allim?
Ineet atun Paul a liwiniti ekkewe mi mochen aúseling pwe epwe asukuler, me ifa úkúúkún ttamen an féri ena?
Met Sia Káé Seni Paul?
2. A lamot sipwe awora ach fansoun me achocho pwe epwe fisiéch ach liwiniti chókkewe sia afalafal ngeniir me poputá le káé ngeniir.
Áppirú Paul
3. Kopwe fiti tawen ewe emén. Pwisin eisinuk: ‘Ineet me ia epwe kon éch ngeni ám áúpwe chufengen? Kulók fite epwe tawe ám áúpwe pwóppwóróus?’ Kopwe tipemecheres le liwiniti inaamwo iká ewe fansoun a filaatá ese kon éch me reom.
4. Akkóta ineet oupwe chufengensefál. Iteiten lesópwólóón ámi pwóróusfengen, eisini ineet oua tongeni chufengensefál. Achocho le chuursefáli lón ewe leeni me ewe kulók oua etipeeú wóón.
5. Kopwe ápilúkúlúk. Kosap ekieki pwe emén chón imw ese kon nónnómotiw lón imwan are mi busy iteitan ese mochen aúseling ewe kapas allim. (1 Kor. 13:4, 7) Achocho le chekisefáli me pwal áeáéchú óm fansoun.—1 Kor. 9:26.