LIWINITI
LESEN 8
Mosonottam
Kapasen Emmwen: “Tong a mosonottam.” —1 Kor. 13:4.
Minne Jises A Féri
1. Katol ei VIDEO, are álleani Jon 7:3-5 me 1 Korint 15:3, 4, 7. Mwirin pwóróusfengen wóón ekkeei kapas eis:
Me akkomwan, met meefien pwiin Jises kewe ren minne a afalafala?
Met a pwáári pwe Jises ese fangetá wóón pwiin we itan Jemes?
Met Sia Káé Seni Jises?
2. A lamot sipwe mosonottam pún epwe ttam me mwirin án ekkóch aramas repwe etiwa ewe kapas allim.
Áppirú Jises
3. Sótuni pwal och mettóch. Iká emén ese mwittir etiwa an epwe káé ewe Paipel, kosap oumwesi. Iká mi tufich, néúnéú ekkewe video are ekkewe lesen le álisi le weweiti met a fiffis lón eú káéén Paipel me ifa ussun epwe feiéch seni.
4. Kosap apépééi ngeni ekkewe ekkóch. Emén me emén aramas ra sókkofesen. Iká emén chón óm famili are emén ka afalafal ngeni a tipemwárámwár le káé Paipel are etiwa eú káit seni Paipel, ekieki pwata a ina ussun. Mi wor eú lúkú lón eú lamalam a kon aúcheani? Aramasan are chón órun ra kan etipetipa? Mut ngeni och fansoun an epwe mwo ekieki ussun met ka apasa me kúna aúchean met ewe Paipel a apasa.
5. Ióteki ewe emén mi mochen káé. Tingorei Jiowa an epwe álisuk le eáni ekiek pwúng me pwáári súfél. Tingorei an epwe álisuk le silei iká ewe emén ese wesewesen mochen káé me iká kopwele úkútiw le chuursefáli.—1 Kor. 9:26.