Tipeppós

Minne Jises A Féri

VIDEO: Jises A Asukula Nikotemus

1. Katol ei VIDEO, are álleani Jon 3:​1, 2. Mwirin pwóróusfengen wóón ekkeei kapas eis:

1. Met meefiom, pwata Nikotemus a filaatá an epwe ló chuuri Jises lepwin?—Ppii Jon 12:​42, 43.

2. Ifa ussun Jises a pwáári pwe i a tipeppós le álisi aramas le wiliiti néún chón káé?

Met Sia Káé Seni Jises?

2. Pokiten sia tongei aramas sia tipeppós le mochen álisiir le wiliiti néún Jises chón káé.

Áppirú Jises

3. Káé lón ewe kulók me leeni mi éch ngeni ewe chón káé. Eli epwe sani le filaatá ránin are kulókun ineet epwe káé. Epwe kon sani an epwe káé lón an leenien angang, lón imwan, are lón pwal ekkóch leeni? Iká mi tufich, kopwe ekkesiwili óm schedule pwe ka tongeni fiti an kókkót.

4. Káé iteitan. Iká kosap nóm lón ena fansoun itá oupwe káé lón, achocho ngeni an epwe chék fis ewe káé. Ekieki ekkeei mettóch:

1. Ka tongeni féri ámi káé lón pwal eú rán lón ena wiik?

2. Ka tongeni káé ngeni wóón phone are video chat?

3. Ka tongeni tingorei emén an epwe wisen káé ngeni?

5. Iótek pwe kopwe eáni ekiek pwúng. Tingorei Jiowa an álillis pwe kosap fangetá wóón noum we chón káé inaamwo iká ese kan kákkáé iteitan are a mmang le apwénúetá met a káé. (Fil. 2:13) Ese mwáál a chómmóng napanap mi múrinné noum na chón káé a eáni, iwe kopwe iótek pwe kopwe nefótófót wóór.