Ifa Usun Sipwe Anöünöü ewe puk Paipel A Apasa

Ei insert a masou ren sokkopaten afalafal om kopwe anöünöü ewe puk Paipel A Apasa. Pwe om afalafal epwe mürinnö, kopwe eitiiti lon pwisin om fos, siwili pwe epwe fichiiti ekkewe aramas lon leeniom we, me sileöchü ekkewe pworaus lon ewe puk. Äeä pwal ekkoch afalafal epwe tongeni älisi aramas lon leeniom we.

Armaketon

◼ “Lupwen aramas ra rong ewe kapas ‘Armaketon,’ chommong ra ekiek eü kata mi watte. Nge kopwe mäirü om silei pwe itä sipwe äpilükülükü Armaketon? [Mut ngeni an epwe pölüweni. Mwirin älleani Pwarata 16:14, 16.] Nengeni met ei puk a apasa usun ewe sokkun manau sipwe küna mwirin Armaketon.” Suuk ngeni pekin taropwe 94, me älleani parakraf 21.

Paipel

◼ “Aramas ra kan erä pwe Paipel än Kot Kapas. Nge ka fen ekieki ika ifa usun eü puk makkeien aramas epwe iteni Kapasen Kot? [Mut ngeni an epwe pölüweni. Mwirin älleani 2 Piter 1:21 me parakraf 5 lon pekin taropwe 21-22.] Ei puk a äiti ngenikich pölüwen ekkena kapas eis me ren ewe Paipel. Äiti ngeni ekkewe kapas eis lon pekin taropwe 6.

◼ “Ikenäi, a kawor ngeni chommong aramas sokkopaten pworaus. Nge om ekiek, ia sipwe tongeni küna emmwen epwe älisikich le küna pwapwa me sopwöch? [Mut ngeni an epwe pölüweni. Mwirin älleani 2 Timoti 3:16, 17 me parakraf 12 lon pekin taropwe 25.] Ei puk epwe äweweei ifa usun sipwe tongeni manaueni eü manau mi apwapwaai Kot me epwe efeiöchükich.” Äiti ngeni ewe pworaus me lios lon pekin taropwe 140-141.

Mälo/Manausefäl

◼ “Chommong aramas ra ekieki met a wesewesen fis lon fansoun mälo. Mi tufich ach sipwe silei ena? [Mut ngeni an epwe pölüweni. Mwirin älleani Än Salomon Afalafal 9:5 me parakraf 5-6 lon pekin taropwe 65-6.] Ei puk a pwal äweweei än Paipel pwonen manausefäl fän iten ekkewe ra mälo.” Äiti ngeni ewe lios lon pekin taropwe 85.

◼ “Lupwen attongach a mälo, sia fokkun mochen künasefäli, ika met? [Mut ngeni an epwe pölüweni.] Chommong ra küna aurur seni än ewe Paipel pwon usun manausefäl. [Älleani Jon 5:28, 29 me parakraf 16-17 lon pekin taropwe 81-2.] Ei sopwun a pwal pölüweni ekkeei kapas eis.” Äiti ngeni ekkewe kapas eis le poputään lon pekin taropwe 74.

Manau Esemuch

◼ “Chommong aramas ra äneänei ar repwe pöchökkül me manauattam. Ika mi tufich, ka mochen küna manau esemuch? [Mut ngeni an epwe pölüweni. Mwirin älleani Pwarata 21:3, 4 me parakraf 17 lon pekin taropwe 60.] Ei puk a äweweei ifa usun sipwe küna manau esemuch me met sokkun manau sipwe eäni lupwen ei pwon a pwönüetä.”

Famili

◼ “Meinisin sia mochen ach famili epwe pwapwa, ika met? [Mut ngeni an epwe pölüweni.] Ewe Paipel a fos usun met emön me emön epwe föri pwe epwe älisatä pwapwaan ewe famili, ina ach äppirü än Kot pwäratä tong.” Älleani Efisus 5:1, 2 me parakraf 4 lon pekin taropwe 155.

Leenien Aramas

◼ “Lon chommong leeni, a weires ach sipwe künökün imw mi mürinnö me mökükkün. Om lükü epwe wor eü fansoun, meinisin epwe pwisin wor imwer? [Mut ngeni an epwe pölüweni. Mwirin älleani Aisea 65:21, 22 me parakraf 20 lon pekin taropwe 38.] Ei puk epwe äweweei ifa usun än Kot ei pwon epwe pwönüetä.”

Jiowa Kot

◼ “Chommong aramas mi lükü Kot ra mochen arap ngeni. Ka silei pwe Paipel a etiwakich ach sipwe arap ngeni Kot? [Mut ngeni an epwe pölüweni. Mwirin älleani Jemes 4:8a me parakraf 20 lon pekin taropwe 18.] Ei puk a tongeni älisi aramas ar repwe nöünöü pwisin nöür Paipel le silefichi Kot.” Äiti ngeni ekkewe kapas eis le poputään lon pekin taropwe 8.

◼ “Chommong aramas ra iotek pwe iten Kot epwe pinilo. Nge menni ena it epwe pinilo? [Mut ngeni an epwe pölüweni. Mwirin älleani Kölfel 83:18, me parakraf 1-3 lon pekin taropwe 225.] Ei puk epwe äweweei met Paipel a wesewesen apasa usun Jiowa Kot me an kokkot fän iten aramas.”

Jises Kraist

◼ “Chommong aramas ra rongorong usun Jises Kraist. Ekkoch ra erä pwe i emön chök aramas mi fokkun mürinnö. Nge ekkoch ra fel ngeni pun me rer i ewe Kot mi Lapalap. Me reom mi lamot met sipwe eäni ekiek usun Jises Kraist?” Mut ngeni an epwe pölüweni. Mwirin älleani Jon 17:3 me parakraf 3 lon pekin taropwe 41-2. Äiti ngeni ekkewe kapas eis a mak fan itelapen ewe sopwun.

Iotek

◼ “Ka fen ekieki ika ifa usun Kot a pölüweni iotek? [Mut ngeni an epwe pölüweni. Mwirin älleani 1 Jon 5:14, 15 me parakraf 16-18 lon pekin taropwe 197-9.] Ei sopwun a äweweei pwata sipwe iotek ngeni Kot me met sipwe föri pwe epwe aüselingakich.”

Lamalam

◼ “Ikenäi, chommong aramas ra ekieki pwe ekkewe lamalam itä repwe pwäkini osukosuken fönüfan nge ra fen chon efisatä osukosuk. Om lükü lamalam a emmweniöchü aramas? [Mut ngeni an epwe pölüweni. Mwirin älleani Mattu 7:13, 14 me parakraf 5 lon pekin taropwe 168.] Ei sopwun a äweweei wonu mettoch a pwäratä ewe sokkun fel mi apwapwaai Kot.” Äiti ngeni lon pekin taropwe 169.

Watteen Osukosuk/Riäfföü

◼ Lupwen a fis watteen osukosuk, chommong ra tipemwaramwar ika Kot mi wesewesen tongei aramas me äfänni ar riäfföü. Ka fen ekieki usun ei mettoch? [Mut ngeni an epwe pölüweni. Mwirin älleani 1 Piter 5:7 me parakraf 11 lon pekin taropwe 12-3.] Ei puk a äweweei ifa usun Kot epwe unusen awesalo riäfföü.” Äiti ngeni ekkewe kapas eis le poputään lon pekin taropwe 122.

Maun/Kinamwe

◼ “Aramas ra äneänei kinamwe. Om lükü esap wesewesen fis woren kinamwe woon unusen fönüfan? [Mut ngeni an epwe pölüweni. Mwirin älleani Kölfel 46:8, 9.] Ei puk epwe äweweei ifa usun Kot epwe apwönüetä an kokkot me atoto kinamwe.” Äiti ngeni ewe lios lon pekin taropwe 39, me äweweei parakraf 17-21 lon pekin taropwe 37-8.

[Pwóór lón pekin taropwe 5]

Ifa Usun Sipwe Ereniir ewe Kokkotun Awora Monien Älillis

“Ika ka mochen awora ekis monien asor ikenäi fän iten ei angang woon unusen fönüfan, ua pwapwa le etiwa.”

“Inaamwo ika ese kamö nöüch keei puk, nge aua pwapwa le etiwa ekis monien asor fän iten ei angang woon unusen fönüfan.”

“Eli ka ekieki ifa usun a tongeni fis ei angang. A fis ei angang woon unusen fönüfan ren än aramas awora monien älillis. Ika ka mochen awora ekis monien asor ikenäi, ua pwapwa le etiwa.”