(1) Kapas Eis (2) Wokisin (3) Sopwun

Ikkeei ekkewe mettoch sipwe föri pwe epwe mecheres ach sipwe afalafal lon ewe puk Met ewe Paipel a Wesewesen Apasa? (1) eäni eü kapas eis pwe ewe chon imw epwe uwawu meefian, (2) älleani eü wokisin mi fichiiti, me (3) suuk ngeni ewe sopwun lon ei puk mi weneiti met oua pworausfengen woon, me älleani ekkewe kapas eis a mak fän ewe itelap. Ika ewe chon imw a pwapwaiti le aüseling, sia tongeni äwewe ngeni ewe kokkotun käeö Paipel, ren ach äiti ngeni ekkewe parakraf le poputään ena sopwun. Sia tongeni föri ei lupwen sipwe poputä le käeö ngeni emön lon ewe chök atun sia kerän chuuri are sipwe chuursefäli.

◼ “Om lükü epwe tufich än aramas repwe silei ewe Chon Föratä mi Lapalap, usun met a mak lon ei wokisin?” Älleani Fofor 17:26, 27, me witi an epwe uwawu meefian. Mwirin menlapei sopwun 1.

◼ “Pokiten sia kükküna chommong osukosuk ikenäi, ka ekieki epwe tufich ach sipwe küna auruur me äpilükülük usun met mi mak ikkeei?” Älleani Rom 15:4, me witi an epwe uwawu meefian. Mwirin menlapei sopwun 2.

◼ “Ika a wor om manaman, kopwe föri ekkeei sokkun siwil?” Älleani Pwarata 21:4, me witi an epwe uwawu meefian. Mwirin menlapei sopwun 3.

◼ “Ka ekieki pwe nöüch kewe semirit repwe pwapwaiti ekkeei pworaus mi mak lon ei köl loom? Älleani Köl Fel 37:10, 11, me witi an epwe uwawu meefian. Mwirin menlapei sopwun 3.

◼ “Ka ekieki epwe wor eü rän epwe tongeni pwönüetä ekkeei kapas?” Älleani Aisea 33:24, me witi an epwe uwawu meefian. Mwirin menlapei sopwun 3.

◼ “Kese mwo ekieki ika ekkewe mi mälo ra silei met ekkewe mi manau ra föfföri?” Witi an epwe uwawu meefian. Mwirin älleani Än Salomon Afalafal 9:5, me menlapei sopwun 6.

◼ “Ka lükü pwe eü rän sipwe tongeni künasefäli attongach kewe mi fen mälo, usun met Jises a apasa lon ekkeei wokisin?” Älleani Jon 5:28, 29, me witi an epwe uwawu meefian. Mwirin menlapei sopwun 7.

◼ “Met meefiom, epwe ifa usun Kot epwe apwönüetä letipan woon fönüfan usun chök lon läng, usun met a mak lon ei iotek aramas ra kan eäni?” Älleani Mattu 6:9, 10, me witi an epwe uwawu meefian. Mwirin menlapei sopwun 8.

◼ “Ka ekieki pwe sia manau lon ewe fansoun, ei oesini a kapas usun?” Älleani 2 Timoti 3:1-4, me witi an epwe uwawu meefian. Mwirin menlapei sopwun 9.

◼ “Chommong aramas ra ekieki ika pwata ekkewe osukosuk a chök lallapolo. Ka fen ekieki pwe neman epwe iei popun?” Älleani Pwarata 12:9, me witi an epwe uwawu meefian. Mwirin menlapei sopwun 10.

◼ “Ka mochen silei pölüwen ei kapas eis?” Älleani Hiop 21:7, me witi an epwe uwawu meefian. Mwirin menlapei sopwun 11.

◼ “Ka ekieki pwe ika ekkewe famili repwe apwönüetä ei kapasen fön seni Paipel repwe tongeni küna pwapwa?” Älleani Efisus 5:33, me witi an epwe uwawu meefian. Mwirin menlapei sopwun 14.

Ewe chon afalafal epwe repotei ewe emön a käeö ngeni, ika a käeö ngeni fän ruu me mwirin ewe fansoun a äweweei ngeni ewe kokkotun käeö me ika a lükü pwe epwe sopwosopwolo ar käeö.