Mineföön Prokram Fän Iten ewe Eü Ränin Mwichelap
Iei itelapen ewe eü ränin mwichelap ren ewe ier 2008, “Kich ewe Ppwul, Jiowa ewe Chon Oululukich,” a alongolong woon Aisea 64:8. Ekkewe kapasen fön seni Paipel mi kawor lon ei prokram repwe alapalo ach aücheani än Jiowa mirit, pwüng, manaman me an tong ussun emön Chon Föri Sepi mi Tekia.
Ewe circuit overseer epwe pworaus woon “Wiliti Ussun Chök Eü Sepi Aüchea lon ewe Angangen Afalafal,” epwe äiti ngenikich pwe ra chochommongolo chokkewe ra pwapwaiti feiöchün ar silei ewe enlet me pwal esile ngeni ekkoch ussun. Ewe afalafal “Om Ekiekifichi Allükün Kot Epwe Tümünük” epwe äiti ngenikich ifa ussun ach ekilolei än Jiowa kewe allük epwe tümünükich. Ewe chon tupun seni ach we ofes epwe eäni ekkeei itelap, “Kosap Tapwelo Mwirin Ei Otoot Mi Ngaü,” me pwal “Mut Ngeni ewe Chon Föri Sepi mi Tekia epwe Anapanapa Manauom.” Sam, in me ekkewe säräfö repwe angei kapasen apöchökkül seni ei kinikin, “Ekkewe Säräfö Mi Aüchea Ngeni Jiowa” me pwal “Wiisen Sam me In Mi Aüchea lon ewe Angangen Oululu.” Lon ekkewe pwoom me interview sipwe meefi pwapwa le aüseling me katol met pwich me fefinach kewe ra akkapwönüetä lon ar angangen afalafal. Chokkewe ra ekiekin fangelo manauer ngeni Kot ren papatais repwe mwittir le esile ngeni ewe presiding overseer. Chechchemeni kopwe uweato noum we kapiin Ewe Leenien Mas sipwe käeö lon ewe wiiken ewe eü ränin mwichelap.
Ese lifilifil met ewe Chon Oululukich a eäni otoot epwe apwönüetä. Nge a chök nonnom ren emön me emön leich ren ifa ussun sipwe mut ngeni an epwe oululukich. Chokkewe mi tipepotete le älleäsochisi än Jiowa kewe allük me minen apwüng repwe ussun chök och ppwul ewe chon föri sepi a oululu, emmisi me awilalo ngeni och pisek mi aüchea. Lupwen sia tipemecheres ngeni Jiowa, sia alingalo an nemenem me pwal angei chommong feiöch.