Pworun Kapas Eis
◼ Ikkefa ekkewe ruu puk sipwe käeö ngeni nöüch kewe chon käeö?
Ewe Bible Teach puk (Äitien Paipel) ina ewe äkkäeüin minen älillis ren ach sipwe poputä le käeö ngeni aramas ewe Paipel lon imwer. Ese pwal wor ngaüen ach sipwe nöünöü pwal ekkoch puk, awewe chök, ekkewe tract, ren ach sipwe poputä le käeö ngeni aramas. Nge mwirin, sipwe achocho le mwittir siwili met sia nöünöü ngeni ewe Bible Teach puk. A mmen mürinnö sopwöchün ach nöünöü ewe Bible Teach puk lon ach poputäni le käeö ngeni aramas.
Lupwen ewe chon käeö a awesalo ewe Bible Teach puk, me ewe chon käeö a pwal feffeitä, ka tongeni käeö ngeni lon ewe puk Worship God (Fel Ngeni Kot). (Kol. 2:7) Lon pekin taropwe 2 lon ena puk, a aweweei lamoten ewe puk: “Ewe Paipel a pesei meinisin mi tongei Kot ar repwe ‘meefi meeta tekian me alollolun an we enlet.’ (Efisus 3:18) Iei ewe popun a för ei puk, me sia äneän pwe ei puk epwe älisuk om kopwe feffeitä lon pekin ngün me epwe pwal älisiöchük om kopwe feffetäl woon ewe al mi chökükkün mi emmwen ngeni manau lon än Kot we fönüfan mi fö.”
Ika ewe chon käeö a tufichin papatais me mwen an awesalo ekkena ruu puk, epwe chök sopwosopwolo an käeö tori an epwe amuchalo ewe oruuen puk. Inaamwo ika ewe chon käeö a fen papatais, nge ewe chon käeö ngeni epwe chuen apachalong lon nöün repot awan an chuuri, return visit, me nöün chon käeö. Ewe chon afalafal mi fiti ena a wisen föri ena käeö, epwe pwal repotei nöün we awa.