Pworun Kapas Eis

◼ Ifa ükükün ttamen ach sipwe käeö ngeni emön chon käeö Paipel mi feffeitä?

A mürinnö sipwe käkkäeö ngeni emön tori an epwe äwesi ekkeei ruu puk, Met ewe Paipel A Wesewesen Apasa? me “Oupwe Nonnom lon Än Kot Tong,” atun epwe wor lon fosun Chuuk. Sipwe föri ena inaamwo ika ewe chon käeö epwe papatais me mwen an epwe äwesi ekkena ruu puk. Mwirin an papatais, sipwe sopwelo le repotei ewe awa, fän fitu sia chuchchuriir, me ewe käeöön Paipel. Ika emön chon afalafal a fitikich le käeö ngeni ena a kerän papatais, epwe pwal tongeni repotei nöün awa.

A fokkun lamot pwe chokkewe mi kerän papatais repwe lüküchar lon ewe enlet me mwen ach sipwe kaülo le käeö ngeniir. A lamot repwe “usun efoch irä mi warar” lon Kraist me ‘pöpöchökülela lon ar lükü’ pwe repwe likiitü fän ekkewe sossot repwe küna. (Kol. 2:6, 7; 2 Tim. 3:12; 1 Pit. 5:8, 9) Repwe pwal wesewesen “silei ewe let” pwe repwe lipwäköch le asukula aramas. (1 Tim. 2:4) Ren ach äwesi le käeö ngeniir ekkewe ruu puk, sipwe älisiir le fetäl lüküchar woon ewe “al mi ale ngeni manau esemuch.”​—Mt. 7:14.

Me mwen än emön epwe fich ngeni papatais, ekkewe elter repwe alükülükü pwe a unusen weweiti ekkewe popun afalafal seni Paipel me a fen etipeeüfengeni manauan ngeniir. Ekkewe elter repwe äkkäeüin tümünüöch atun emön chon käeö ese mwo äwesi ewe äeüin puk a mochen an epwe papatais. Ika emön ese mwo fich le papatais, ekkewe elter repwe akkota pwe emön epwe älisi pwe epwe fich ngeni lon mwachkkan.​—Ppii Organized to Do Jehovah’s Will, pekin taropwe 217-218.

[Ekis Pwóróus lón pekin taropwe 2]

A lamot chokkewe mi kerän papatais repwe lüküchar lon ewe enlet