Álisiir le ‘Pöpöchökülela lon Ar Lükü’

A mmen apwapwa ach kúna usun án Jiowa efeiéchú ewe angangen ioifengen pún lap seni 250,000 aramas ra papatais iteiten ier. (Tut. 28:2) Atun emén chón afalafal a álisi emén chón káé tori an papataiseló, eli ena chón afalafal epwe úkútiw le káé ngeni me pwal álisi ekkewe ekkóch. Ewe chón káé eli epwe pwal mochen kaúló seni an káé me awora watteen fansoun lón ewe angangen afalafal. Iwe nge, a lamot pwe ekkewe chón káé repwe péchékkúl lón ewe enlet. A lamot pwe repwe “warar” lón Kraist me ‘pöpöchökülela lon ar lükü.’ (Kol. 2:6, 7; 2 Tim. 3:12) Ina minne, mwirin án ewe chón káé papatais, mi lamot epwe sópweló an káéén Paipel tori an áwesaaló ekkeei ruu puk, Paipel A Apasa me Tongen Kot.​—Ppii Ach Angangen Afalafala ewe Mwú minen April 2011, pekin taropwe 2.