Menlapei Eú Pwóróus Atun Anéúnéún Ewe Leenien Mas
Eú me eú néúch kewe Leenien Mas a masou ren sókkópaten pwóróus mi múrinné. A éch ach sipwe chék menlapei eú pwóróus ngeni ewe chón imw lap seni ach sipwe fós wóón sókkópaten pwóróus. Ika sia silei masouen Ewe Leenien Mas me áfánni nónnómun ewe chón imw, iwe sipwe tongeni filatá menni pwóróus lón epwe apwapwaai ewe chón imw. Áwewe chék, ika sia kúna néún semirit kewe lios lón are lúkún ewe imw, are néúr kewe choori ppen asamen ewe imw, neman sipwe menlapei eú pwóróus usun famili. Ika sia afalafal ngeni emén mwán, neman sipwe filatá le menlapei eú pwóróus chómmóng mwán repwe pwapwaiti, áwewe chék ren pwóróusen eú mwú mi núkúnúkéch. Ren ach chék menlapei eú pwóróus, epwe efisi ach afalafala ewe kapas allim usun ewe Mwú fán mecheres me a tongeni álisi ewe chón imw an epwe chechchemeni met sia pwóróusfengen wóón.