Áweweei Ach Lúkú Usun 1914

Ewe Paipel a pesekich ach sipwe ‘molotä fansoun meinisin pwe sipwe pölüeni chokewe mi aisinikich,’ usun ach lúkú ‘nge sipwe kapas ngeniir fän pwetete me menin.’ (1 Pet. 3:15,16) Nge ren enletin, sia silei pwe a weires ach sipwe áweweei ekkewe pwóróusen Paipel mi enlet me alóllóól, áwewe chék ren ifa usun sia silei pwe ewe Mwú a poputá le nemenem lón 1914. Ren an epwe wor met epwe álisikich, mi wor ruu kinikin mi kan akkatapw itelapan “Pwóróusfengen me Emén Usun ewe Paipel​—Ineet án Kot we Mwú A Poputá le Nemenem?” Atun kopwe etittina ekkeei lesen, ekieki ekkewe kapas eis lón ewe pwóppwóróusfengen seni Cameron, ewe chón afalafal lón ekkeei pwóróus.

Ifa usun an. . .

• áeá kapasen apúnga epwe awora alen met repwe tipeeú le fós wóón?​—Föf. 17:22.

• pwári tipetekison atun a áweweei an lúkú?—Föf. 14:15.

Pwata a múrinné pwe . . .

• a ekkenniwili me mwen epwe káé pwal eú lesen?

• a ekis kaúló fán ekkóch me eisini ewe chón imw ika a weweiti ewe úkúkún a fen áweweei?

• ese sótun áweweei chómmóng mettóch fán eú chék atun ar káé?​—Joh. 16:12.

A ifa me kilisouch ngeni Jiowa, ach we “Soukait” ren an asukulakich ika ifa usun sipwe áweweei ekkewe pwóróusen Paipel mi enlet me alóllóól ngeni chókkewe rese silei!​—Ais. 30:20.