Eú Mineféén Minen Kútta Pwóróus

Million chón afalafal wóón unusen fénúfan ra fen áeáéchú ewe Watch Tower Publications Index le kúttafichi pwóróus are research. Nge pokiten a mmen tichik ekkewe pwóróus lón, iwe a chék wor lón fitu chék fósun fénúfan. Ina popun a kawor ewe Research Guide for Jehovah’s Witnesses (Minen Kútta Pwóróus fán iten Chón Pwáraatá Jiowa) lón 170 fós. Lap ngeni ekkewe minen álillis lón ewe Research Guide ra pop seni ewe ier 2000 feiló. Ewe Research Guide ese peres lón kapasen ekkewe fénú a fen wor rer ewe Index. Nge ewe Research Guide a kapachelong lón Watchtower Library me Watchtower-ONLINE LIBRARY. Ewe Research Guide epwe álisuk le kútta pélúwen kapas eis me ren ewe Paipel me kúna pwóróus mi weneiti met ka osupwangan me ammólnatá fán iten án mwichefel kewe mwich me famili fel.