Mineféén Anapanap le Poputááni Pwóróusfengen

Poputá seni March 2016, fán ekkóch lúkúnúppen ewe Leenien Mas epwe kawor ei kinikin “Met ewe Paipel A Apasa?” Ei mineféén anapanap a kawor pwe epwe álisikich le poputááni pwóróusfengen lón Paipel. Napanapen masouan a léllé ngeni néúch kewe tract. A wor eú kapas eis, a pélú me ren Paipel me a pwal wor ekkewe ekkóch pwóróus fán iten pwóróusfengen.

Lape ngeni pwóróusfengen mi múrinné usun Paipel a emmwen ngeni káéén Paipel. Áeá ei mineféén anapanap le álisi chómmóng le ataweei ar osupwang lón pekin lúkú.—Mat 5:6.

USUN ACH FÉRI:

1. Eisini meefien ewe chón imw usun eú me lein ekkewe kapas eis

2. Aúseling me afaani an pélúweni

3. Álleani ewe wokisin mi nóm fán ewe itelap “Iei Met ewe Paipel A Apasa,” me eisini meefian usun. Ika a tawe, sópweló ámi pwóróusfengen, néúnéú ewe pwóróus mi nóm fán ewe itelap “Met Sia Pwal Tongeni Káé Seni Paipel?”

4. Anéúnéú ewe Leenien Mas

5. Akkóta le liwin me pwóróusfengen wóón ewe oruuen kapas eis