What Can the Bible Teach Us?​—Usun Néúnéún

Ei puk Teach Us (esaamwo wor lón fósun Chuuk) me Paipel A Apasa iir mi léllé. Ekkeei ruu puk, iir néúch minen asukula aramas ewe Paipel me a léllé ar áweweei ekkewe pwóróus mi enlet me tetteliir. Iwe nge, ewe puk Teach Us a néúnéú kapas me áwewe mi mecheres. A ffér fán iten chókkewe mi weires ngeniir ar repwe weweiti ewe puk Paipel A Apasa. Ewe Teach Us puk ese wor ewe kinikin pwal ekkóch áwewe nge a wor sópwósópwun pwóróus. Ren ena, a awora áwewe mi mecheres wóón ekkóch kapas me pwóróus mi nóm lón ewe sópwun. Ese wor kapas eis lepoputáán me pwórun enniwili lón eú me eú ekkewe sópwun. Nge lesopwolóór a wor menlapen ekkewe pwóróus mi enlet seni Paipel mi fen áwewe lón ewe sópwun. Ewe puk Teach Us a usun chék ewe puk Paipel A Apasa sia kan anéúnéú ngeni aramas fansoun meinisin inaamwo ika esap ina met sipwe anéúnéú lón ena maram. Iwe, ifa usun sipwe néúnéú ewe Teach Us puk atun sia kan káé ngeni emén?

MENLAPAN: Napanapen ach káé ngeni aramas lón Paipel A Apasa puk sia kan álleani ewe parakraf mwirin apasa ewe kapas eis. Ena a pwal éch. Nge epwe ifa ika ewe chón káé ese kon weweiti ewe fós a fis ewe káé lón are ese kon lien silei állea? Ika ina, neman kopwe filatá le néúnéú ewe Teach Us puk. Iwe ekkewe menlapen pwóróus lón eú me eú ekkewe sópwun, neman ina met oupwe káé me pesei ewe chón káé an epwe álleani ewe sópwun lón pwisin an fansoun. Lap ngeni, sia tongeni káé ngeni emén eú me lein ekkewe pwóróus mi enlet lón Paipel úkúkún 15 minich. Pokiten ekkewe menlapen pwóróus rese kon tichiki met a nóm lón ewe sópwun, a lamot ngeni ewe sense an epwe mmólnéch me pwal ekieki met epwe fichiiti ewe chón káé. Ika ewe sense a káé ngeni ewe sópwun, a tongeni áeá ekkewe menlapen pwóróus fán iten enniwilin ewe lesen.

SÓPWÓSÓPWUN PWÓRÓUS: Tettelin ekkewe kapas me áweween lón ewe sópwósópwun pwóróus mi léllé ngeni ewe sópwun. Ewe sense a tongeni filatá ika epwe pwal pwóróus usun ekkewe sópwósópwun pwóróus atun ewe káé lón ewe Teach Us puk.