Ámúrinnééló Tufichich lón ewe Angangen Afalafal​—Chuursefáli Aramas

PWATA A LAMOT: Chómmóng aramas mi mochen aúseling ngeni pwóróusen ewe Mwúún Kot, iir ra pwal kúkkútta ewe enlet usun Kot. (Ais 55:6) Mi lamot sipwe lilliwinitiir pwe epwe lallapóló ach asukuler. Aramas ra kúna sókkopaten weires, ina popun napanapen ach álisiir ar repwe pwapwaiti ar káé epwe pwal sókkopat. Iwe nge, sipwe lipwákéch ika sipwe mmólnéch me awora ngeni ewe emén och álillis iteiten sia chuuri me ekieki le poputááni eú káéén Paipel.

USUN ACH FÉRI:

• Achocho le mwittir liwiniti, neman mwirin chék fitu rán.​—Mat 13:19

• Kopwe chiechi ngeni me pwáraatá súfél. Kosap niwokkus

• Poputá ren óm kapong ngeni fán súfél. Apasa itan we. Áchema ngeni pwata ka liwiniti, neman pokiten ka mochen pélúweni eú kapas eis, likiti ngeni ewe mineféén puk, áiti ngeni ach website, fichi ngeni video are áiti ngeni eú káéén Paipel. Siwili met ka mochen apasa ika a fósun pwal och mettóch a mochen silei usun.​—Fp 2:4

• Achéchénú ewe pwikilin enlet mi fótetiw lón letipan ren óm áiti ngeni eú wokisin are neman óm likiti ngeni eú puk. (1Ko 3:6) Achocho le chiechiéch ngeni

• Ammólnatá ewe chón imw fán iten óm kopwe liwiniti