Lesen Seni Pwóróusen Manawen Samuel

Samuel a tuppwél ngeni Jiowa lón ánein manawan. Le átin we, ese fitaaló féfféringawen néún Eli kewe át, Hofni me Pineas. (1Sa 2:22-26) Samuel a mámmááritá, me Jiowa a ekkemmweni. (1Sa 3:19) Atun a chinnapeló, a sópweló le angang ngeni Jiowa fán tuppwél, inaamwo ika néún kewe rese.​—1Sa 8:1-5.

Met sia tongeni káé seni pwóróusen Samuel? Ika en emén kúkkún, kopwe lúkúlúk pwe Jiowa a weweiti ekkewe osukosuk ka kúkkúna me minne ka meefi. A tongeni álisuk óm kopwe pwora. (Ais 41:10, 13) Ika en emén sam are in noum a likitaló Jiowa, ka tongeni kúna oururun letipom ren óm silei pwe Samuel ese tongeni eriáni néún kewe át watte ar repwe akkamwéchú ar tuppwél ngeni Jiowa. I a likit ngeni Jiowa an we osukosuk, me a sópweló le akkamwéchú an tuppwél me apwapwaai Seman we lón láng, Jiowa. Ese mwáál óm leenien áppirú mi múrinné epwe amwékútú noum we an epwe liwiniti Jiowa.

KATOL EI VIDEO LEARN FROM THEM​—SAMUEL, MWIRIN PÉLÚWENI EKKEEI KAPAS EIS:

• 

  Le átin Samuel, ifa usun a pwári an pwora?

• 

  Ifa usun Danny a pwári an pwora?

• 

  Le chinnapen Samuel, ifa usun a isetiw leenien áppirú mi múrinné?

• 

  Ifa usun semen me inen Danny kewe ra isetiw leenien áppirú mi múrinné?