Ifa Usun Kopwe Álillis Mwirin eú Feiengaw Watte?

A lallapóló fisin feiengaw watte lón ei fansoun. Atun a fis eú feiengaw watte a lamot ewe angangen kaworen álillis epwe kókkótéch. Ina popun, ewe Mwichen Soupwúngúpwúng a akkóta an epwe wor eú kúmi epwe emmweni angangen kaworen álillis mi iteni Disaster Relief Department lón eú me eú ekkewe keangen ofesilap.

Lupwen pwiich kewe lón ena kúmi ra silei pwe a fis eú feiengaw, ra mwittir fós ngeni ekkewe mwán mi ásimaw ikewe a fis feiengaw ie pwe repwe silei met sókkun álillis ekkewe chón afalafal ra osupwangan. Ika a watte ewe feiengaw nge pwiich kewe rese tufichin pwisin ataweei, ewe keangen ofesilap epwe ewisa ekkóch Chón Kraist mwán mi lipwákéch le emmweni ewe angangen kaworen álillis. Ekkena Chón Kraist mwán neman repwe tingor án ekkóch repwe volunteer le álillis are awora ekkóch mettóch mi lamot, are repwe kamé me eineti ekkewe pisek mi lamot ngeni ekkewe chón feiengaw.

Ei sókkun kókkót a sópwéch. Pún ika ekkóch pwiich kewe ra pwisin mwékút wóón ar, iwe epwe tongeni fis án ekkewe ekkóch repwe féri ekkewe angang ese lamot, me epwe wor fitikoko, me asolapaaló moni me pisek.

Ekkewe Chón Kraist mwán mi kewis me ren ewe keangen ofesilap, repwe ppii fite úkúkún moni mi lamot lón ewe angangen kaworen álillis me fitemén chón álillis. Ra tongeni chuuri ekkewe néúwisin mwú pún fán chómmóng ra tongeni álisikich le emwittiri ach angangen kaworen álillis. Ina popun emén esap pwisin iói moni seni ekkewe ekkóch, tiinaaló pisekin álillis, are ló ngeni ewe leeni a fis feiengaw ie ika ese kewis ngeni.

Nge atun a fis feiengaw watte, sia mochen awora álillis. (Ip 13:16) Sia fókkun tongei pwiich kewe! Met sia tongeni féri? Ewe mettóch mi fókkun lamot, ina sipwe ióteki chókkewe ra feiengaw me chókkewe ra kewis le awora álillis. Sia tongeni awora ach monien álillis fán iten ewe angang wóón unusen fénúfan. Fán emmwenien ewe Mwichen Soupwúngúpwúng, ekkewe keangen ofesilap ra sileéchú ia ekkena monien álillis repwe álilliséch ngeni ie. Nge ika sia pwisin mochen álillis, sia tongeni amasoua ewe taropwe Local Design/​Construction Volunteer Application (DC-50).

KATOL EI VIDEO DEVASTATING FLOODING IN BRAZIL, MWIRIN PÉLÚWENI EI KAPAS EIS:

Met ka sani ren pwóróusen án Chón Pwáraatá Jiowa kaworen álillis ngeni chókkewe mi feiengaw ren pummongun konik lón Brazil lón ewe 2020?