Sipwe Äkkäeüin Käeö ngeni Aramas ewe Puk Paipel A Apasa
1. Ifa usun sipwe nöünöü ewe puk Paipel a Apasa?
1 A ifa me apwapwaan ach nöüni ewe puk Met ewe Paipel A Wesewesen Apasa? lon fosun Chuuk! Ifa usun sipwe nöünöüöchü ei mineföön puk? A fför ena puk pwe sipwe äkkäeüin nöünöü le käeö ngeni aramas. Ekkewe chon afalafal repwe mwittir nöünöü ena puk le poputääni ar käeö ngeni aramas.
2. Ifa usun sipwe mirititi ineet sipwe poputä le nöünöü ewe puk Paipel a Apasa le käeö ngeni nöüch kewe chon käeö?
2 Ekkewe Aramas Sia Fen Käeö Ngeniir: Ekkewe chon afalafal mi käeö ngeni aramas lon ekkewe puk, Sile are Kutta, repwe mirit le filatä ifa usun me ineet repwe nöünöü ewe mineföön puk lon ar käeö. Ika ka kerän chök käeö ngeni emön fän fitu, oua tongeni poputä le käeö lon ewe mineföön puk. Nge ika oua fen lepwolen käeö lon ewe Sile puk, eli oupwe sopwelo ämi käeö lon ewe puk Paipel a Apasa woon ewe pworaus mi löllö ngeni ewe oupwe käeö. Nge ika oua fen ttik le sopwoloon ewe Sile puk, eli mi fen öch oupwele fen amuchalo ämi käeö lon na puk.
3. Iö kewe repwe küna älillisöch seni ar käeö ewe puk Paipel a Apasa?
3 Ese mwääl, sia silei chommong aramas repwe küna älillisöch seni ar käeö ewe puk Paipel A Apasa. Pwata kese etiwer le käeö lon ena puk mi äiti ngenikich ekis me ekis ekkewe pworaus mi enlet lon Paipel? Äwewe chök, eli ekkoch mi fen käeö lon ekkewe puk Kütta me Sile nge rese fangolo manauer me papatais repwe tongeni käeösefäl lon ewe mineföön puk. Eli, ekkewe sam me in repwe filatä le nöünöü ei puk le äiti ngeni nöür kewe letipen Kot.—Kol. 1:9, 10.
4. Met sia tongeni lükülükü?
4 Sia lükülük pwe ewe puk, Paipel a Apasa, a usun chök eü pisekin angang mi älillisöch sia tongeni nöünöü lon ach föralo chon käeö.—Mt. 28:19, 20.