Lesen 13

Angangen Roong Me Magic Mi Ngau

Setan a mochen pwe kopwe fori roong. Chommong aramas ra asor ngeni aramaser kewe mi fen malo are ngeni ekkewe ngun ren ar repwe pwisin tumunuur seni feiengau. Ra fori ei mettoch pokiten ar niueiti manamanen ekkewe ngun. Ra aea ring are nana mi manaman. Ra unumi are epiti inisir ren “safei” a ita wor manamanan. Ekkoch aramas ra aopalo ekkoch pisek mi awora tumun lon imwer kewe are irelo fan ppwul. Pwal ekkoch ra aea “safei” mi manaman pun ra mochen sopwoch lon business, test lon sukul, are ren kutten puluwer.

Chiechiom Jiowa Kot ewe minen tumun mi murinno seni meinisin seni Setan. Manamanen Jiowa me noun kewe chonlang a fokkun watte seni manamanen Setan me noun kewe timon. ( Jemes 2:​19; Pwarata 12:⁠9) Jiowa a mwotores le pwarata an manaman fan iten chienan kewe​—⁠chokkewe mi unusen tuppwol ngeni i.​​—⁠2 Kronika 16:⁠9.

Alon an Kot we Kapas sisap “fori angangen pwee ika pout.” Jiowa a apasa pwe magic me roong mi ngau pokiten ekkena foffor ra anomu emon fan an Setan manaman.​—⁠Lifitikos 19:⁠26.