Ámúrinnééló Tufichich​—Sipwe Úkútiw le Káé Ngeni Emén Ese Feffeitá

PWATA A LAMOT: Pwe aramas repwe kúna manaw, mi lamot repwe kéri iten Jiowa. (Ro 10:13, 14) Nge esap meinisin mi tipeeú le káé Paipel, ra mochen etipeeúfengeni manawer ngeni án Jiowa kewe allúk. Sia áeáfichi ach fansoun mi aúchea lón ewe angangen afalafal le álisi chókkewe mi wesewesen mochen féri ekkesiwil lón manawer pwe repwe apwapwaai Jiowa. Ika emén chón káé ese feffeitá mwirin och fansoun itá úrúrún epwe feffeitá lón, iwe a múrinné ach sipwe fen áeá ach fansoun me péchékkúl le álisi chókkewe Jiowa a luki ngeni i me an we mwicheich. (Jo 6:44) Nge ika pwe eú fansoun mwirin nge ena emén a pwáraatá pwe a “fich ngeni manaw esemuch,” iwe sia pwapwaiti ach sipwe káésefál ngeni.​—Föf 13:48, NW.

MINNE KOPWE FÉRI:

• Apúnga ewe chón káé ren an mochen silei ewe enlet.​—1Ti 2:4

• Áweweéchú lamoten an epwe apwénúetá minne a káé.​—Luk 6:46-49

• Fán kirekiréch, pwóróus wóón án Jesus we kapas áwewe usun ewe chón amwora pwikil, me pesei an epwe ekieki met a pinei i le apwénúetá minne a káé.​—Mat 13:18-23

• Áwewe ngeni fán súfél pwata kesap chúen káé ngeni

• Ereni pwe kopwe kan chuuri i fán ekkóch ren óm kopwe apéchékkúla me ewe káé a tongeni sópwósópwóló ika epwe féri ekkesiwil lón manawan

KATOL EWE VIDEO, MWIRIN PÉLÚWENI EKKEEI KAPAS EIS:

• Met ka káé seni lón ewe pwóróusfengen mi pwáraatá pwe ewe chón káé ese feffeitá lón pekin lúkú?

• Ifa usun ewe chón afalafal a álisi ewe chón káé le weweiti pwe a lamot an epwe féri ekkesiwil lón manawan?

• Ifa usun ewe chón afalafal a ámecheresi alen án ewe chón káé epwe káésefál ewe Paipel lón mwachkkan?