Sissiwilin Léúwach

Än Salomon Fos 8:4

MENLAPAN: Affataéchú ewe pwóróus me achchúngú letipen chón aúseling ren óm sissiwili úkúkún léúwóm me mwittirin óm kapas me óm ngitá me ngitiw.

MINNE KOPWE FÉRI:

• Sissiwili úkúkún léúwóm. Aléúwommóngaatá léúwóm pwe kopwe menlapei ewe pwóróus mi lamot me amwasangasangatá ekkewe chón aúseling. Kopwe pwal ina usun atun kopwe álleani ekkewe pwóróus usun kapwúng lón Paipel. Aléúkúkkúnaatiw léúwóm lupwen ka mochen amwétéresi chón aúseling are lupwen ewe pwóróus a fiti niwokkus are lólilen.

• Kopwe ngitá me ngitiw. Ika mi fich me lón kapasen fénúom, kopwe ngitá ren óm kopwe pwári mwasangasang are ámmeef ngeni chón aúseling úkúkún watteen och mettóch are towauan. Kopwe ngitiw ren óm kopwe pwári letipechou are aúrek.

• Sissiwili mwittirin óm kapas. Kopwe emwittiri óm kapas ren óm kopwe pwári amwasangasangen ewe pwóróus. Ammanga óm kapas lupwen ka apasa ekkewe kapas mi kon lamot.