Pworun Kapas Eis

◼ Sipwe iotek mwen me mwirin iteiten fansoun sia käeö Paipel ngeni aramas?

Mi wor chommong feiöchün ach iotek lepoputään me lesopwoloon ach käeö Paipel ngeni aramas. Lon iotek, sia tingorei Jiowa an epwe emmweni ach käeö ren an we manaman. (Luk 11:13) A ämmeef ngeni ewe chon käeö aüchean an käeö me a äiti ngeni ifa usun sia ikkiotek. (Luk 6:40) Ina popun, mwirin fitu fansoun ach käeö ngeni emön, epwe öch sipwe poputä le iotek. Iwe nge, pokiten a sokkofesen nonnomun manauen aramas, sipwe mirititi ika mi fich ach sipwe iotek iteitan.

Sipwe lom ekieki ia ewe käeö a fiffis ie. Ika a fis iteitan me ese wor aramas ünükküch, sia tongeni suuki me äwesi ewe käeö ren iotek mi mwochomwoch. Iwe nge, ika ach föri ena epwe efisi än aramas attolakich are ewe chon käeö ese meefi kinamwe ren, epwe fen öch sipwe witiwit tori fansoun sipwe nom lon eü leeni mi fich. Ese lifilifil ia sia käeö ie, nge mi öch sipwe ekiekifichi ineet sipwe poputä le iotek fän iten ewe käeö.​—Nengeni Ach Angangen Afalafala Ewe Mwu, minen March 2005, pekin taropwe 4.