Yezu Onokuputta Mparha

Va savulani yaka ya 30 E.C., Yezu odhowa o Jeruzalemi. Attu enjene ahidha musidadi wi amuje Paskwa. Awene andhana dhinama wi aperheke mukutto sabwani yankosa epaddi ya mattangaya. Attu ena ela odhana anyene, oku enaya agula o Jeruzalemi.

Yezu mufiyedhiye mumparhani, oawona attu bagagulihamo dhinama. Awene aguliha marhonda a wajelana attu mba mwebedhiwa Yehova. Txini egakosile Yezu? Iyene orinta muwasulo wa kabala, ohawigarana anamaguliha na anamagulaya. Otukuma meza a anamakakanya kobiri, omwadha kobiridha dhetene dhanani. Yezu vina ohapanga abale aguliha kangayiwa dhahi: ‘Burutxanimo esidha ovanene! Numba ya Baba kamukose okala mburo wa marhondda!’

Dhetene dhakosile Yezu, attu antikina. Anamafwara aye ahubuwela mavuhulo aloga dha Mesiya: “Okwela waga numbenyu onoddilaliha ninga enira motto.”

Yaka yokokene ya 33 E.C., Yezu okuputta dila bili mparha. Iyene kafuna wila muttu ddi muttu atakalihe numba ya Babe.