Nivisasanyedhe wi Nisunzihe na Ttotto

Mudhidhi dhahi Yezu wahivuziwa dila bili sabwa ya egumi ya mukalakala, mbwenye dila esi dhobili iyene wahakula kakamwe mavuzo a anamavuzaya. (Lk. 10:25-28; 18:18-20) Mwadhahene, masiki niziwaga deretu mutoma wa nsunzo ninfunihu osunziha, ninofanyeela ovisasanyedha deretu, nimutanalelaga namasunzaya. Mutoma gani onamurutxe ononelamo obe orumeela? Malebo gani anfanyeelihu wengesa na iyeneya? Ddima ngasi dhinfanyeelihu osunza? Ninofanyeela osasanyedha yoladdaniha, yotagiha, obe mavuzo aderetu anamukamihedhe namasunza ononelamo museluya mofanyeelela. Vowi ddi Yehova onunuwiha beuya ya ebaribari mmirimani, ninofanyeela omukumbirha nruriho mudhidhi onivisasanyedhihu wi nakose nsunzo na namasunza wehu, vina nikumbirhe muya waye wi onilibihe vina omukamihedhe namasunzaya.​—1 Kor. 3:6; Tia. 1:5.