Nilabihedhe Mofanyeelela Mafoto ali mu Nivuruni Ensunziha Bibilia

Muttu agasunzagavi nivuru txini ensunziha Bibilia vina bagavirihamo esile dhinsunziye, onela wunuwa mpaka ovaha milima dhomuyani. (Masal. 1:1-3) Mukalelo onawodhe iyo omukamihedha namasunza wehu bwa olabihedha mafoto ali mu nivuruni Ensunziha Bibilia.

Mavuzo Oromana: Kapitulu dhotedhene dhinroma na mavuzo anakuliwa mwari mwa ddimadha. Weyo podi okosa mavuzo animukosiha otanalela vina aninvaha efunelo ya oromana makani. Obe omukumbirhe wi avahe monelo waye wa nivuzo nintanalelinyu. Agahivahe yowakula yaderetu, kumusaddeye. Yowakula yaye enele wukosiha otanalela mutoma onfanyeeliwe omukokomeza.​—Gano 16:23; 18:13.

Yowenjedha: Akala namasunzaya onononelamo vina onorumeela ddima dha malebo menjene, enfanyeela weyo okosa ja omulibiha wi asunze yowenjedha yeka. Labo na nsunzo nina, kalabihedha mitala dhing’onovi wi onvuze akala ohinonelamo yowenjedha esunziliye. Mwadhahene, egakala yofanyeelela wa iyene, mwari mwa nsunzo kakaana mudhidhi mung’onovi wila musunze modheela wengesa ddima vina okosa mavuzo asasanyedhilewi namutanene.

Kasha ya Dhogwaddela: Kasha ya dhowenjedha eli omagomo wa kadda kapitulu ena dhowakula dha mavuzo oromana. Weyo onofanyeela olabihedha mafoto wi okaane ebaribari wila namasunzaya ohinonelamo vina omwaddele dhipaddi dhamakamaka. Kengesani dhipaddi dhetedhene na maleboya a ofarihedha na lizu nowiweya. Ogamala kamukumbirhe namasunzaya alabihedhe malebo wi atapulele ebaribari ya makaniya.​—Mer. 17:2, 3.