Kudduwale Walobelela Akristu Anfara-fariwa

Bibilia wahittaga ologa wi Satana agahinifara-fara na efunelo ya ogomiha mabasa ehu. (Jo 15:20; Ovuh 12:17) Ninawodha dhavi wakamihedha Akristu akwihu antabuwa na ofara-fariwa dhilabo dhina? Ndoweni nalobelele awene. “Nlobelo na muthu womyala murima niniriwa na ntidi, nihikana guru enddimuwa.”—Tia 5:16.

Ninalobelele dhavi? Nimukumbireni Yehova wi avahe guru abalihu na arogorihu vina nikamihedho wi ahovege. (Iza 41:10-13) Vina nalobelele anamattongaya wi anivahe ofuru wokosa mabasa ehu a olaleya, “neddagana ekalelo yofwanyelela.”—1 Tim 2:1, 2.

Mudhidhi wafara-fariwa Paulo na Pedro, Akristu a vyaka dhoroma annalobelela aromolaga mazina awa. (Mer 12:5; Rom 15:30, 31) Masiki akala kaninziwa mazina a abalihu etene anfara-fariwa masaka abano, niromolegeni milogo dhawa obe elabo yawa.

Kaleba mutxiddo mpu dhilabo dhili abali anfwara-fwariwa, anfuniwi walobelela.