Dhowakula dha Mabasa na Yeddelo Yehu ya Okristu
2-8 YA NOVEMBURU
MAFUMO A MAZU A MULUGU | OBUDDUWA 39-40
“Mizé Wahivirihamo Mowakwana-mwene Magano Avahiwiye”
(Obudduwa 39:32) Aba ba mapulihedho a mabasa akungiwena musagala mogumana na Nabuya. Ana Izrayel ahira dhetene avirihagamo malamulo akelile Mizé na Nabuya.
w11 15/9 27 ddima 13
Yehova Onouziwa?
13 Mizé ‘wali muthu wokurumuwa vaddiddi; mukurumuwelo waye kuwafwanyiwa mwa muthu mwina mwilaboni.’ (Oleb. 12:3) Iyene owoniha okurumuwa na oviyeviha waye modhela wiwelela malago otene a Yehova. (Obud. 7:6; 40:16) Kayiwo elobo enoniha wila Mizé wansilidhiwa obe wampambiha malago akeliye na Yehova. Ninga ,motagiha Yehova wahimwaddela wi ammagele musana afwaraga dhotedhene dhalogile Yehova, ninga motagiha kor ya osalu, muttengo wa gondda vina guwo dhafwanyelela olabihedhiwa. (Obud. 26:1-6) Masaka abano alobwana attomeliwe wimelela mabasa munikuruni nehu, aganivaha maswagiho vina aganaddela wi ninofwanyela ovirihamo malago otene, txino masaka mena ninodhaga osilidhiwa. Yehova musogoreli wowakwana onakuluvela adhari aye. Nona, aganivahaga malago wi nifware ehikalawo sabwaya enkoseliye ejuwene. Koona wi Mizé kasilidhiwe na Yehova sabwa ya onvaha malago menji, ofiyedha wubuwela ninga wela opwaziwa. Ottiya ejuwene Mizé wahipima mabasayá wi one akala alobwanaya amaga ‘ahiviriyamo malago otene’ alogile Yehova. (Obud. 39:32) Mizé wahinonelamo wi mabasaya ali a Yehova, iyene wela olabihedhiwa bahi wila akwanihedhe.
(Obudduwa 39:43) Mizé opima mabasayá otene, ohona wi athiddiwe ninga mwalogele Nabuya. Venevo Mizé oaururiha akadda Israyel.
(Obudduwa 40:1, 2) Nabuya omwaddela Mizé; 2 “Siku noroma na mweri woroma, fugulá musagala mogumana na miyo.
(Obudduwa 40:16) Mizé ohira dhetene dhamurumile Nabuya.
w05 15/7 27 ddima 3
Onororomeleyana Dhetene?
3 ‘Mizé, n’ekalelo ya mwimeleli, ohiwananeyana’ ninga munlogela Ahebreu 3:5. Txini emukamihedhile Mizé okala wororomeleya? Vamagiwa vina vasasanyiwa musana, “Mizé ohira dhetene dhamurumile Nabuya.” (Obudduwa 40:16) Ninga alabeli a Yehova, nintonyihedha wi nili attu ororomeleya nigamwiwelela. Txibarene okala wororomeleya vamentoni va Yehova entonyihedha ovilela ofwara-fwariwa obe nigafwanyiwa dhoweha dhorutxa. Owodha ovilela dhoweha dhorutxa kintonyihedha wi muttuya ororomeleya. Yezu ohiloga: “Onroromeleyana dhiñgono, onororomeleyana vina dhinddimuwadhá. Ohinroromeleyana dhiñgono, kanroromeleyana dhinddimuwadhá.” (Luka 16:10) Ninofwanyela okala wororomeleya masiki mwa dhilobo dhinoneya ninga dhiñgono.
Nipepese Mafumo Omuyani
(Obudduwa 39:34) dhopibeliwana musana, thebe dha mabila apogo dhikattiwe na dhofila, thebe dhofewa, guwo yogwaddana musana;
it-3 219 ddima 5
Ttebe yodduguddiwa
Ana Izrayel awodha dhavi ttebe ya enama yankuweliwa foka. Akala mazu aba taʹchash mBibilani ennonihedhiwamo ninga foka, venevo vanokala nivuzo; ana Izrayel awodha dhavi okana ttebe ya enama enkuweliwa foka? Masiki dhinama esi dhifwanyeyaga dhipaddi ya árticas na antárticas, kuloga dhilabo dhoridha, dhinagu dhinziveliwetxa okala dhipaddi dhoviha. Masaka abano dhinama esi dhinkuweliwa foka-monges dhinofwanyeya mpaddi mmodha wa mwinje Mediterrâneo, na dhipaddi dhina oli manje oviha. Ehoneya vina wi masaka abano dhinama esi dhinorameya, nsaka na wale dhakalawo dhinjidhene epaddi ya mwinje Mediterrâneo vina epaddi ya mwinje Wofila. Yaka ya 1832, Dicionário da Bíblia Sagrada ya Calmet na elogelo ya engelezi (nikuku 139) ovaha monelo obu: “Suwa dhinji dha mwinje Wofila munofwanyeya dhinama esi; kuloga, makome a suwa yo Sinayi.”—Koona vina O Ensino Típico do Tabernáculo. J. Pollock, London, p. 47.
(Obudduwa 40:34) Venevale murabo okunela musagala mogumana na Nabuya; nthithimiho na Nabuya nidhala mmusananimwá.
w15 15/7 21 ddima 1
Vanokala Ottiyana Ogamuziwa Muttu Onang’ana Mabasa Awo?
Vamalile omagiwa musagala, murabo ‘okunela musagala mogumana na Nabuya; nthithimiho na Nabuya nidhala mmusananimwá.’ (Obud. 40:34) Eji yali ezinddiyelo yawi Yehova wahirumela mabasaya! Bezalel na Oholiab ewalemo dhavi? Masiki vahilebiwe mazinawa mudhoboni esile dhisasanyilani awene ahagalala vaddiddi sabwa yoziwa wi Yehova wanruriha guru dhawa. (Gano 10:22) Vyaka dhamusogoro awene ahagalala sabwa ya wona wi dhobo esile dhanlabihedhiwavi mmusanani. Awene agavenyihiwa mwilaboni eswa mohaganyedha anele otikina agaziwa wila mparhaya wahilabihedhiwa wila Yehova ebedhiwemo mwari mwa vyaka 500!
9-15 YA NOVEMBURU
MAFUMO A MAZU A MULUGU | ONAMAKUTHA 1-3
“Mikutto Dhoddumeya”
(Onamakutha 1:3) Mukuthoyá ogakala woddumeya, amuthukule mwana-ñgombe wapogo wohiragala, ahele mukutho vamulago va musagala mogumana, wi oddizivele.
(Onamakutha 2:1) Agakalawo muthu onfuna omperekela Nabuya mvaho wa vilo, apereke othu wawinemu-nemu, athothihedhe makura, eke vina lubani.
(Onamakutha 2:12) Vanimperekela nyuwo Nabuya matoma, emela na wiyi kadhijombemo; vano mivahodhá kadhiddumeyiwe, vowi Nabuya kanziveliwana.
it-3 120 ddima 6
Mikutto
Mikutto dhoddumeyiwa. Mukutto woddumeya waperekiwa wotene, namaperekaya kahalana epaddi-epaddivi ya enamaya. (Kaladdaniha na Anam 11:30, 31, 39, 40.) Mukuttoya ogamala operekiwa, yankumbiriwa ezinddiyelo enoniha wi Yehova orumela mukuttoya. Yezu Kristu ninga ‘mukutto woddumeya’, ohipereka egumi yaye.
it-3 123 ddima 5
Mikutto
Mikutto wa vilo dha mmunddani. Mikutto wa vilo dha mmunddani dhaperekiwa omodha-wene na mikutto dhin’heleliwa oluwelana, mikutto dhoddumeya vina mikutto dholeveleliwana dhottega na mivaho dhina. Masaka mena dhaperekiwa na mukalelo wottiyana. (Obud 29:40-42; Onam 23:10-13, 15-18; Oleb 15:8, 9, 22-24; 28:9, 10, 20, 26-28; kap 29) Esi dhaperekiwa wila onihe omutamalela wawa Mulugu sabwa ya wakamihedha vina waruriha. Dila dhina dhaperekiwa na makura vina lubani. Mikutto dha vilo dha mmunddani dhankosiwa na mukalelo dhottiyana-ttiyana, ninga motagiha, dhamperekiwa ninga marhuwa dhakosiwa na ottu, mikatte dhohidhakuwa dhamunyiwa na makura, dhina dhowotxa dha ottu omunyiwe na makura. Epaddi yina ya mikuttodha dhaperekiwa dha vilo dha mmunddani dhattiyiwa vadhulu va ebuwa, venevo vina vattiyiwa mikutto dhoddumeyiwa, epaddi yina yanjiwa na anamakutta. Akala wali mukuttu waperekeliwa oluwelana, muliba mukuttoya wanja vina. (Onam 6:14-23; 7:11-13; Oleb 18:8-11) Mukutto-mukuttovi wa vilo dha mmunddani waperekiwa musasani, kuwarumelihiwa okana emela obe ‘wiyi’ (txino waddiwana xaropi wa figu obe sumu nasasanyiwana milima) esuwene dhigadhile odhakuwa.—Onam 2:1-16.
(Onamakutha 3:1) “‘Akala mwa vinama dha malogo manddimuwa, muthu onofuna omperekela Nabuya mukutho on’heleliwa oluwelana, asakule ñgombe yapogo peno yamukolo, yohiragala; adhowena vamentoni va Nabuya.
it-3 121 ddima 1
Mikutto
Operekiwa wa mukutto on’heleliwa oluwelana (obe wa murenddele). Operekiwa wa mukutto on’heleliwa oluwelana warumela Yehova, yatonyihedha murenddele wanna anamudhiya na Yehova. Mwazambo wa ntakulu waperheka vamodha na amudhaye. Namakutta wasogorela wakala epaddi modha, enagu akala epaddi yina. Dhahene Yehova wannakela manuna wa mukutto woddumeyiwa. Nikami natonyihedha egumi yaperekiwa Mulugu sabwani iyene mwinya wa egumi. Nona, anamakutta, attu amwebedha Yehova, ali ninga alí mumodhani ajaga, eji yatonyihedha wi awene akana murenddele na Yehova. Muttu waperheka mukuttoya battiddile elobo-txilobo yokwaruliha obe bajile nama ekoyiwe malabo menji wanfwayela wigariwa mmulogoni mwaye.—Onam 7:16-21; 19:5-8.
Nipepese Mafumo Omuyani
(Onamakutha 2:13) Mivaho dha milima dhotene dhinperekinyu, mwekegemo mwinyu; mvahoyá wenyu olugiwege na mwinyu, onimutonya namakwanthani omwirile Nabuya na nyuwo. Nona mivaho dhenyu dhotene mulugege.
(Ezekiyel 43:24) oddihelelena mukutho. Anamakutha awazele mwinyu dhiloba eso dhiperekiwe, addihelelena miyo mukutho woddumeya.
w04 15/5 22 ddima 1
Otapuleliwa wa Nivuru na Onamakutha
2:13—Yafuneyelani Wikamo Mwinyu Mmukuttoni Egafuniwaga ‘Operekiwa Mukuttoya’? Mwinyuya kuwikiwamo wila ozivihe mukuttoya bahi. Orugunuwa elabo yotene mwinyu onolabihedhiwa wila olugiwena elobo-txilobo, enavudde. Enoneya ninga mwinyu wekiwa mmukuttoni, woniha wi mukuttoya bokoddela.
(Onamakutha 3:17) Nthi, nlamulo nihingoma-wene: thenyu, tha adhulinyu; vego pa vego vanakaleginyu; kamujege-wene manuna, nne nikame”.
it-2 246 ddima 2
Manuna
Ofuneya wa ofwara malamulo aba. Malamulo aloga wi nikami vina manuna ali a ttima vamentoni va Yehova, dhafwanyela operekeliwa iyene. Nikami egumi nona Yehova bahi ddinna ewodhelo yonivaha egumi. (Onam 17:11, 14) Manunaya oniwa ninga epaddi ya enama ya ttima vaddiddi. Nona, muttu wapereka manunaya, watonyihedha wila epaddi ya ttima ya enama eninfwanyelela Yehova bahi oli mukamihedhi wehu. Ana Izrayel ahikana elemelelo ya oddumeya dhetene esi vebuwani, vowi mukutto obo, ‘oja onddumeyeliwa Yehova’. (Onam 3:11, 16) Muttu waja wanfwanyela wigariwa mmulogoni mwaye. Ana Izrayel anlabihedha manunaya akala enamaya yelokwa woka obe akala yapiwa na enama yina.—Onam 7:23-25.
w04 15/5 22 ddima 2
Otapuleliwa wa Nivuru na Onamakutha
3:17. Manuna ali a ttima vamentoni va Yehova, nona okoddihiwa oku yanakamihedha ana Izrayel ononelamo wi epaddi eji esakuliwe eninfwanyelela Yehova bahi. (Wita 45:18) Ninsunzavo nni? Ninsunzavo wi ninofwanyela omuttittimiha Yehova na dhinnehu.—Gano 3:9, 10; Kolosi 3:23, 24.
16-22 YA NOVEMBURU
MAFUMO A MAZU A MULUGU | ONAMAKUTHA 4-5
“Kamperhekele Yehova Eniwe na Murima Wawo Wotene”
(Onamakutha 5:5, 6) Enofuneya abweke muladdo waye, 6 amperekele Nabuya mukutho woleveleliwana yothega etotileye. Athukule enama yamukolo, nibila peno mbuzi, alivelena muladdo waye. N’eji namakutha onomuhelela mukutho wothiddelana myeddo yothega yaye”.
it-3 122 ddima 9
Mikutto
Mukutto wottimihana yottega. Mikutto dhaperekeliwa ottimihiwana dhottega, dhamperekeliwa vina wila dhileveleliwena dhottega sabwani muladdu muladduvi yatapulela yottega. Mikutto esi kadhaperekeliwa yottega yottegavi, dhanttiyana na mikutto dhina. Vowi dhaperekeliwa wila dhakwanihedhiwena dhafwanyela muttu okana obe wiyelihedhiwana dhili dhaye. Mikutto dhaperekeliwa ottimihiwana dhottega dhakosiwa wila dhimwagalalihe Yehova vina muttegiya aleveleliwe obe eyihedhiwe dhininfwanyelela.—Kaladdaniha na Iza 53:10.
(Onamakutha 5:7) “Ohinwodha ogula nibila obe mbuzi, wi ekale mukutho wothimihana yothega yaye, amperekele Nabuya majiwa meli obe kangayiwa bili dhohuluvala; modha ekutheliwe kwarula, yina ekale ya mukutho woddumeya.
w09 1/6 26 ddima 3
Iyene Onowona Vangomeliwe
Kang’ana malamulo anoniha mukalelo onneddiha Yehova, malamuloya anloga: “Ohinwodha ogula nibila obe mbuzi, wi ekale mukutho wothimihana yothega yaye, amperekele Nabuya majiwa meli obe kangayiwa bili dhohuluvala; modha ekutheliwe kwarula, yina ekale ya mukutho woddumeya.” (Versu 7) Mazu aba awi “Ohinwodha . . . ogula nibila obe mbuzi” dila dhina enotapuleliwa dhahi ‘akala . . . kunna ewodhelo’. Akala muttuya ottegile kawodha ogula nibila, Mulugu wanrumela iyene omperekela nvaho wawodhiye opereka—akala majiwa meli obe kangayiwa bili.
(Onamakutha 5:11) Agahiwodha ogula majiwa meli obe kangayiwa bili dhohuluvala, aperekele yoddawa yaye kilu bili dha othu wawi nemu-nemu, okale mukutho woleveleliwana yothega yaye; vano kekemo, makura nne lubani, sabwa mukutho wothiddana myedo.
w09 1/6 26 ddima 4
Iyene Onowona Vangomeliwe
Kito akala muttuya kakana mikalelo dha ogulana majiwa meli obe kangayiwa bili? Malamuloya aloga dhahi ‘agahiwodhe ogula majiwa meli obe kangayiwa bili dhohuluvala, aperekele yoddawa yaye kilu bili dha othu wawi nemu-nemu, okale mukutho woleveleliwana yothega yaye; vano kekemo makura nne lubani, sabwani mukutho wothiddana myedo.’ (Versu 11) Mwa attu abale ahana elobwene, Yehova wanarumeliha opereka mikutto dhina ottiya wa dhinama. Mu Izrayel masiki attuya akale ayelegi, anwodha okana mandano ofiyedheya na Yehova.
Nipepese Mafumo a Omuyani
(Onamakutha 5:1) “Muthu withaneliwe vamiladduni wi aloge dhonileye na dhiwaliye, agakodda ologamo, onoliga muladdu vina.
w16.02 30 ddima 14
Kasunza na Adhari Ororomeleya a Yehova
14 Kobuwela dhahi: Weyo oziwa wila mbali, txino marho wawo obe mmudhawo okosa yottega yawopiha. Ogobuweli okosa elobo gani? Ogavuba yottegaya obe ogahoniha wi onoweddeyana na Yehova? Weyo onoziwa wila onofwanyelela omwiwelela voroma Yehova opitta muttu-muttuvi. Sabwa ya ejuwene egahuttukulela ologa na muttuya, ogamwaddeli? Kobuwela ekosile Natã; iyene wahiloga ahovaga mbwenye n’okwela. Japama omwaddela wila aloge na anddimuwa a mulogo momaguva, iyene agahikose weyene waloge. Okosa ejoya, ononihe eni? Ononihe okala oweddeyana na Yehova vina onele woniha wi onomukwela muttegiya, sabwani iyene onele wakela nikamihedho na anddimuwa a mmulogoni. Na mukalelo woriheya awene anele omukamihedha wiyelela okana mandano na Yehova.—Kengesa Onamakutha 5:1; Galásia 6:1.
(Onamakutha 5:15, 16) ‘Mutho onvonya athegelaga nofuna vilobo dhileveliwe Nabuya, ere dhahi: amperekele Nabuya mukutho wothiddelana myeddo muladdu waye. Mukuthoyá okale wa nibila napogo nohiragala, nisakuliwe vari va mabila akwaye; nikale na muthengo wa kobiri dha parata onvahana na muthengo oneddiwana mmusanani. 16 Agenjedhedhavo epadde yanetanu ya muthengo wa nibila niperekileye, onothiddela myeddo thima ya musana epahulileye. Osogorhowa adhowena dhetene esi vali namakutha. Apo namakutha onomuhelela mukutho wothimihana yothega. N’eji muddawi onoleveleliwa.
it-3 529 ddima 1
Wokoddela-koddela
Dhinama na Milima dha Mmunddani. Ñgombe dhottaji, mwana-nibila, mwana-mbuzi dhileveliwe Nabuya kadhodheya woboleliwa. Dhanfwanyela operekiwa ninga mikutto oku epaddi yina yaperekeliwa namakutta. (Oleb 18:17-19) Milima dhoroma vina mivaho dhaperekeliwa Nabuya dhali dhokoddela-koddela, dhawene ninga mwakoseliwana mikutto dhotedhene dhaperekeliwa Nabuya wila dhikamihedhiwena mabasa a mumparani. (Obud 28:38) Mivaho dhotene dhaperekeliwa Yehova dhali dhokoddela, kadhafwanyela olabihedhiwa bure-bure. Yotagiha mmodha enoniha ebaribari ya mazu aba, tti nlamulo navahiwani mwaha wa mivaho dhaperekeliwa Nabuya. Akala muttu wela okoya milima dha mmunddani mwaye, ninga tirigu wila amperekele Nabuya, nomala iyenene peno mwana mmudhi mwina alabihedha, ahimperekela Mulugu, muttuya oddo wankana muladdu sabwa yolupa nlamulo naloga mwaha wa dhilobo dhokoddela-koddela. Muttuya wanfwanyela opitxela mparha milima dhakene obe yannenjedhedhiwa, ottiya ejuwene anfwanyela vina opereka ninga mvaho mwana-mbuzi wamugumene. Dhawene dhankoddelihiwana dhilobo dhokoddela-koddela dhaperekeliwa Yehova.—Onam 5:14-16.
23-29 YA NOVEMBURU
MAFUMO A MAZU A MULUGU | ONAMAKUTHA 6-7
“Operheka Mukutto Womutamalelana Yehova”
(Onamakutha 7:11, 12) ‘Magano a mukutho woluwelana onaperekeliwege Nabuya, baba: 12 van’heliwa mukutho womutamalelana Nabuya, vaperekiwe vamodha na enama mikathe dhohidhakuwa dhimunyiwe na makura, mikathe miñgono-miñgono dhohidhakuwa dhisigihiwe makura, mikathe mina dhawotxa dha othu omunyiwe na makura.
Ninsunzavo Eni na Nivuru na Onamakutha
9 Yosunziha yanawili: Ninomulabela Yehova sabwani ninomutamalela. Wila ninonelemo, ndoweni nisekeserhe mwaha wa mikutto dholuwelana, dhakosa mpaddi wamakamaka wa webedha webaribari wa ana Izrayel. Nivuru na Onamakutta, ninologa wi mukadda Izrayel wanwodha operheka “mukutto womutamalelana Nabuya.” (Onam. 7:11-13, 16-18) Iyene kakosela mukuttoya sabwa ya odideliwa, mbwenye wakosela ofuna waye. Obu wali mukutto wovilevela wakosiye sabwa yomukwela Mulugu waye, Yehova. Muttuya wapereka mukuttoya vamodha na amudhaye vina anamakutta, anja dhipaddi dhina dha enamaya ekosiwena mukutto. Mbwenye dhipaddi dhina dha enamaya dhaperekeliwa Yehova. Dhipaddi gani?
(Onamakutha 7:13-15) Esi siliví, vamukothoni woluwelana na wotamalela venjedhedhiwe mikathe dhinna emela. 14 Mwa mivahodhá dhotene muthukulegemo elobo modha-modha, mumperekelege Nabuya. Esodhá sindha okala dha namakutha; owazele ebuwa nikame na enama ya mukutho woluwelana. 15 Nama ya mukuthoyá enjiwa siku-nene-ntho ninkuthiwani. Kavakoyiwe elobo-ene yojiwa mangwana.
w00 15/8 15 ddima 15
Mikutto Dhinimwagalaliha Yehova
15 Mukutto mwina wakosiwa, wali mukutto waperekeliwa oluwelana, elebiwe va kapitulu 3 na nivuru na Onamakutha. Nzinana ntti vina ninotapuleliwa ninga ‘mukutto omperekeliwa murenddele.’ Na elogelo ya ebrayiko mazu aba ‘murenddele’ anovaha monelo wawi onopitta okala na murenddele obe s’emazuzumo. ‘Bibilia onotapulela mazu aba prosperidade, ninga okana murenddele na Mulugu, ottaba vina murenddele’, ninga munlogela nivuru Studies in the Mosaic Institutions (Estudos nas Instituições Mosaicas). Mbwenyi kiyaperekiwa mukutto wa oluwelana wila okane murenddele na Mulugu mbwenye wila onihe ntamalelo nawo obe wila otamalele gari ya okana murenddele na Mulugu, obuwene wajavo attu arumeliwa vamentoni vaye. Anamakutta vamodha na mwinya wa mukuttoya anja enamaya yaperekeliwa mukutto, mbwenye nikami na manunaya wavahiwa ddi Yehova. (Onamakutha 3:17; 7:16-21; 19:5-8) Na mazu mena wopipiriha ninologa wi muliba mukutto, namakutta na Yehova Mulugu anja mikuttodha, ezinddiyelihaga murenddele wanani.
(Onamakutha 7:20) Vano ole onna murima wokwarula, agaja nama ya mukutho woluwelana operekeliwe Mulugu, egariwe munlogoni mwaye.
w00 15/8 19 ddima 8
Mikutto dha Jibo Dhinimwagalaliha Yehova
8 Txini yafuniwana muttu wapereka mukuttoya? Malamuloya aloga wila muttu-muttuvi wavyoniha wa Yehova wanfwanyela okala wokoddelene. Akala muttu wela okwarula, voroma wanfwanyela operheka mukutto wa oleveleliwana dhottega obe dhoddawa wila akale wokoddelene vamentoni va Yehova vina mukutto waye wakeliwe. (Onamakutha 5:1-6, 15, 17) Koddi ninononelamo ofuneya wa ovikoddeliha vamentoni va Yehova? Akala ninfuna wi webedha wehu orumeliwege na Yehovan ninofwanyela otxinja merelo merelovi angudulana na malamulo a Mulugu. Ninofwanyela okala womala nawale wila nitameleni nikamihedho na Yehova—modhela “anddimuwa a mulogo” vina “mukutto woleveleliwana dhottega dhehu operhekile” Yezu Kristu.—Tiago 5:14; 1 Joau 2:1, 2.
Nipepese Mafumo Omuyani
(Onamakutha 6:2) [Onam 6:13 Tradução do Novo Mundo] “Wawaddele malamulo aba Aroni na anaye: Magano ohelana mukutho woddumeya baba: mukuthoyá obu okale vamothoni oli vebuwani oromana mathiyu mpaka membesi; motho wa v’ebuwani okalegevi wothiddene.
it-2 148 ddima 4
Motto
Wiwananiya na musana vina mparha. Motto wattiyiwa mmusanani mowebedhiwa vina mumparhani. Mwari mwa malabo meli na membesi vina nzuwa niddowelaga, namakutta wanfwanyela oddumeya lubani na dhonukela dhina vebuwani vaddumeyiwa dhonukela. (Obud 30:7, 8) Malamulo a Mulugu aloga wila motto wakala mumparhani wanfwanyela okala wottiddene. (Onam 6:12, 13) Masiki attu ena arumelelaga mweddelo wa ayuda waloga wila motto obule wakala mmusanani wattiddihiwa na mattikiniho a Mulugu, Bibilia kanrumelela masunziho abo. Mowiwanana na malamulo addeliwe Mizé na Yehova, aloga wila ana Aroni ‘agase motto vadhulu va ebuwa, atadevo kuni’ ahinatti wikavo mikuttodha va ebuwani. (Onam 1:7, 8) Motto odhile wa Yehova ottiddile mumaleli ana Aroni ottomeliwa mabasa a onamakutta vina mumaleli operekiwa mikutto dhoniha orumeliwa wawa ninga anamukutta, venevo poneyile motto odhile wa Yehova, txino wadhile mmuraboni wali vadhulu va musanaya. Mottoya kuttiddihile kuni dhali vebuwani, mbwenye ‘oloddumeya mikutto vina manuna ali vebuwaniva’. Veneva ninowona wila motto wattiddavi va ebuwani wali obule wagasile anamakutta otaganyiha na obule wattiddihile Yehova. (Onam 8:14–9:24) Na mukalelo wakakene, motto wa matikiniho wadhile wa Yehova oddumeya mikutto mumalele Salomau okosa nlobelo n’operekana musana.—2Map 7:1; koona vina Anam 6:21; 1Amwe 18:21-39; 1Map 21:26 dhawene ninga munlabihedhaga Yehova matikiniho a motto wila akelele mikutto dha adhari aye.
(Onamakutha 6:18) [Onam 6:25 Tradução do Novo Mundo] “Magano ohelana mukutho woleveleliwana yoddawa, baba: enama ya mukuthoyá esijiwe vamentoni va Nabuya, venevo vanpiwaga vinama dha mukutho woddumeya. Mvaho obu onomukoddelela-wene Mulugu.
si 27 ddima 15
Nivuru na mBibiliani Nanauraru—Onamakutha
15 (3) Yali nikokomedho opereka mukutto woleveleliwana yottega akala muttuya wela ottega ahifunaga obe ahiziwaga. Enamaya yaperekiwa, yewanana na muttuya ottegile, akala—namakutta, mutugumano wotene, musogoreli wa nlogo, mwimeleli obe muttu muttuvi. Mottiyana na mukutto woddumeyiwa mukutto waperekeliwa oluwelana, mukutto woleveleliwana dhottega attu otene ankokomeziwa.—4:1-35; 6:24-30.
30 YA NOVEMBURU–6 YA DEZEMBURU
MAFUMO A MAZU A MULUGU | ONAMAKUTHA 8-9
“Yehova Onowoniha Maruriho Aye”
(Onamakutha 8:6-9) Mizé oasusihedha valiye Aroni na anaye, oakoddeliha na manje a mwambo. 7 Omwabaliha Aroni malaya, ommaga mutxeka muyununi, omwabaliha guwo yofila na efod vadhuluvá, ommaga mitxeka dha efod odduni. 8 Omukapatha buddu na vamirimani, ohekamo ‘urím na tumím’. 9 Ompotha musolo na guwo; epadde y’omemtoni osomedhawo nipapi nanddarhama nali ninga ‘lámina’, ninga mwamurumele Nabuya Mizéya.
(Onamakutha 8:12) Omuthikithela Aroni, amuthothihelaga makura va musolo waye.
it-2 414
Ottomeliwa
Mizé wahakoddeliha Aroni vamodha na anaye, Nadab, Abiú, Eleazar na Itamar (obe waharuma anyene ovikoddeliha) muyoboni ya safuri yali mwenemwale vina wahimwabaliha Aroni guwo dha namakutta munddimuwa. (Oleb 3:2, 3) Vamalile wabalihiwa dhabalo esile dhokoddela, wahittomeliwa mabasaya. Guwodha dhazinddiyeliha mikalelo dhafuneya vina mabasaya akosani. Vasogorova Mizé wahittikittela musana, dhobo dhotedhene dhalimo, ebuwa vaperekiwa mikutto dhoddumeyiwa, yobo mwarugweliwa manje na dhina dhalabihedhiwa mmabasanimwa. Esi dhanattittimiha, nona dhisakuleliwa wila dhilabihedhiwege bahi mmabasani a Mulugu. Omamalelowa Mizé omuttikittela Aroni amukuttulelaga makura vamusorho.—Onam 8:6-12; Obud 30:22-33; Masal 133:2.
(Onamakutha 9:1-5) Siku nanetanu noraru, Mizé oagumaniha Aroni na anaye, vamodha na anddimuwa a Izrayel; omwaddela dhahi Aroni: 2 “Omuthukule mwana ñgombe wapogo, omukuthena mukutho woleveleliwana yoddawa; nibila napogo ohelele mukutho woddumeya. Dhobili dhikale dhohiragala wene; opereka vamentoni va Nabuya. 3 Wawaddele dhahi ana Izrayel: Muthukule mbuzi yapogo, muhelena mukutho woleveleliwana yoddawa; mmuthukule vina mwana-ñgombe wapogo na mwananibila wapogo: dhobilidhá dhikale dha yaka modha, dhohiragala, wi dhiheliwena mukutho woddumeya. 4 Muthukule ñgombe yapogo na nibila napogo, muperekena mukutho woluwelana vamentoni va Nabuya. Mupereke vina mvaho wa othu omunyiwe na makura, vawi Nabuya ddabuno onowoneyelani”. 5 Awene athukula dhetene dharumile Mizé, adhowana mmusagalani mogumana.
it-2 415 ddima 8
Ottomeliwa
Siku nanotanu noraru, anamakutta ahiroma ottidda mabasa awa (mbwenye Mizé kalivo) ninga dila yoroma, mabasaya ali a wahelela mukutto ana Izrayel, abuwene afwanyela okoddelihiwa sabwa ya okala attegi vina sabwa ya o muttegela Mulugu na webedha mwana-ñgombe wa nddarhama. (Onam 9:1-7; Obud 32:1-10) Omamalelowa, mabasa aba akosiwa na anamakutta amalile-wene ottomeliwa, Yehova wahoniha wila wanrumela mabasa awa, mutatamuleliye motto obudduwile mmuraboni wali vadhulu wa musana ofiyedha oddumeya vinama na manunaya ali vebuwani.—Onam 9:23, 24.
(Onamakutha 9:23, 24) Mizé na Aroni avolowa mmusagalani mogumana. Mbudduwelanimo, aruriha nlogo. Venevo nthithimiho na Mulugu niathwanyuwela etene àlivo. 24 Vamentoni va Nabuya vagafuwa motho, oddumeyile vinama na manuna dhali vebuwani. Nlogo notene monelani esi, nikuwa n’othaba, nihira labà vati.
Ninsunzavo Eni na Nivuru na Onamakutha
13 Yosunziha yanonai: Yehova onoruriha nikuru naye nili velaboni ya vati. Katanalela epadduwile yaka ya 1512 Kristu ahinabaliwa, vemetxiwe musana seresere ya Mwango Sinai. (Obud. 40:17) Mizé wali mwimeleli wa mattanga a okutteliwa wa Aroni na anaye. Nlogo notene na ana Izrayel nahawoona anamakutta abale akuttaga mikutto dhoroma dha dhinama. (Onam. 9:1-5) Yehova otonyihedhi dhavi wi wahirumela onamakutta oswa wetiwe? Aroni na Mizé arurihaga nlogo, Yehova wahidhana motto waddumeyile mikutto dhotene dhali vebuwani.—Kengesa Onamakutha 9:23, 24.
Nipepese Mafumo Omuyani
(Onamakutha 8:6) Mizé oasusihedha valiye Aroni na anaye, oakoddeliha na manje a mwambo.
w14 15/11 9 ddima 6
Ninfwanyelelani Okala Okoddelene
6 Nikokomedho navahiwa anamakutta na ovikoddeliha epaddi yomaningoni, ninowakamihedha alabeli a Yehova a masaka abano. Anamasunza ehu a Bibilia anowonaga wila mimburo dhehu dhowebedhamo sokoddela vina sosasanyedheya. Nona okoddela wa anamakutta ononisunziha wila muttu-muttuvi onwela va mwangoni va Yehova onofwanyela okana “murima wothorhorha”. (Kengesa Masal 24:3, 4; Iza. 2:2, 3.) Mabasa animukoselihu Mulugu, anofwanyela ottiddiwa na mubuwelo, murima vina na maningo okoddela. (2 Kor. 13:5) Ninga motagiha, muttu obatiziwe onona n’apudha ogonihana wonyakuwa onofwanyela ovivuza: ‘Miyo ddili wokoddelene?’ Venevo iyene onofwanyela okumbira nikamihedho wila awodhe ottiya elemelelo eji yabure.—Tiago. 5:14.
(Onamakutha 8:14-17) Omudhiha mwana-ñgombe wapogo mukutho woleveleliwana yoddawa, otapulela mada va musolo va mwana-ñgombeyá. 15 Omusija, othukula nikamená, onyethihana ebuno yaye, osigiha manyaga a komo dh’ebuwa wi akupe ebuwayá. Mmaleliye, okuthulela mutxiddo mwa ebuwa nikame nina. Dhawene othikithela ebuwayá, wi efwanyelele mukutho woleveleliwana yoddawa. 16 Adhamale othukula manuna otene anthiddana na mirubo, epaddi ya fwafwa, belebedhu dhobili na manunayá, oddumeya dhetene vebuwani. 17 Vano mwana-ñgombe wapogo, thebeyá, nama na mariyá oddumeyilé otakulu wa sanjarha, avirihagamo yarumile Nabuya.
it-3 17 ddima 6
Mizé
Mulugu wahimuttomela Mizé okala namalogela wa malamulo avahiwe ana Izrayel, yali ettomo ya ttima vaddiddi yahafwanyiwana muttu mwina ottiya Yezu Kristu oli Namalogela wehu wa nipagano niswa. Mizé wahittukula nivuru na nipagano bahelela nikame na mikutto dha vinama ‘epaddi’ modha yamuzinddiyeliha Yehova oku ‘epaddi’ yina yazinddiyeliha nlogo (nemeleliwa na anddimuwa a nlogona). Iyene mwengeseliye nlogo nivuru na malamulo, nlogo notene nahakulela dhahi: ‘Iyo ninowira dhetene dhinirumile Yehova.’ (Obud 24:3-8; Aheb 9:19) Mwari mwa mabasa aye okala namalogela, Mizé wahikana gari ya wang’anela mabasa a omaga musana vina osasanyiwa wa dhobodha, esuwene dhafwanyela okosiwa dhifwariwaga malago avahile Yehova. Wahattomela mabasa anamakutta, wahittikittela mparha vina wahimuttikittelela Aroni mabasa a onamakutta na makura attima vaddiddi. Omamalelowa, wahikalavo siku noroma na mabasa a anamakutta.—Obud makap. 25-29; Onam makap. 8, 9.