Dhowakula dha Mabasa na Yeddelo Yehu ya Okristu

7-13 YA DEZEMBURU

MAFUMO A MAZU A MULUGU | ONAMAKUTHA 10-11

“Omukwela Yehova Onofwanyela Okala Vamburoni Voroma Opitta Wakwela Anamudhi”

(Onamakutha 10:1, 2) Nadab na Abiú, ana Aroni, athukula yobo yaye-yaye mwali makarha, ahekamo motho; vamothonivá apopavo dhonukela, amperekela Nabuya. Mukutheloyá obu kawali ninga mwarumele Nabuya. ² Apo motho ogafuwa vamentoni va Nabuya, oaddumeya, akwa venevo.

it-2 371

Wohifwanyelela

Operheka Mukutto na Mukalelo Wohifanyelela. Munivuru na Onamakutha 10:1 mazu aba a hebraiko zar (za·rahʹ) enlogiwana ‘motho wohifwanyelela, na mazu mena, kuwali ninga mwarumele [Nabuya].’ Mbwenyi Nadab na Abiú ana Aroni ahimperhekela Yehova, nona Yehova wahaddumeya na motto. (Onam 10:2; Oleb 3:4; 26:61) Osogorhowa Nabuya omwaddela Aroni: “Siku ninvolowinyu mmusagalani mogumana, kamumwe vinyu, kamumwe yomwa yina enlezeliha, nne weyo nne anawo wi munakwe. Nigano nthi ninouthiddani nyuwo na aninyu otene anadhegewo. Eji munerelege othiyaniha dha Nabuya na dha athu, dhokoddela na dhokwaruliha; muwodhe vina wasunziha akadda Izrayel magano otene àvahile miyo na mulomo wa Mizé”. (Onam 10:8-11) Enkala ninga Nadab na Abiú amala olezela wene, eji ehattukulela operheka mukutto na mukalelo wohifanyelela. Mottoya obu wali wohifwanyelela sabwani mburoya, mudhidhiya na mukalelo operhekilani mukuttoya ali ottiyana na magano ali va Obudduwa 30:34, 35. Sabwa ya awene operheka mukutto wolezelene dhoddawa dhawa kadhafwanyela oleveleliwa.

(Onamakutha 10:4, 5) Mizé oawithana Misael na Elsafan, ana Uziel, mbali wa babe Aroni; oawaddela dhahi: “Dhaunoni, athukulenimo abalinyu akwile mmusanani, adhowenina otakulu wa sanjarha”. ⁵ Awene asuselavo, athukula na malaya awayá abudduwelana otakulu wa sanjarha.

(Onamakutha 10:6, 7) Mizé omwaddela dhahi aroni na anaye eli Eleazar na Itamar: “Nyuwo kamoneyena ezinddyelo ya athu akweliwe, kamuthiye osamula nthithi nenyu, kamutaye dhabalo dhenyu wi munakwe, vina Nabuya anadhe aunyanyuweleni nyuwo na nlogo notene na Izrayel. Anthiyiwa waunla abale addumeyiwe, ba abalinyu vamodha na nlogo notene. ⁷ Kamuvenyevo vamavolowelo va musagala mogumana, munapadduweliwe okwa; vowi nyuwo muthikitheliwa na makura okoddela a Nabuya”. Awene avirihamo dhilogile Mizé.

w11 15/7 31 ddima 16

Weyo Ovolowa Muwittuwani—Mwa Mulugu?

¹⁶ Aroni mbali wa Mizé wahipadduweliwa dhorutxa vaddiddi. Kobuwela yiwalemo Aroni mwaddumeyiwe anaye na motto sabwa ya omperhekela Yehova mukutto na mukalelo wohifwanyelela. Merelo aba ehattukulela ottiya okana mandano anani na amambalawa. Yahikalawo elobo yina. Yehova wahimwaddela Mizé wi amwaddele Aroni na naye ororomeleya dhahi: ‘Nyuwo kamoneyena ezinddyelo ya athu akweliwe, kamuthiye osamula nthithi nenyu kamutaye dhabalo dhenyu wi munakwe, vina Nabuya anadhe aunyanyuweleni nyuwo na nlogo notene na Izrayel.’ (Onam. 10:1-6) Miselu esi dhinononeleyamo. Omukwela wehu Yehova onofwanyela okala vamburoni voroma, opitta okwela onakanelihu anamudhi animwika ekotti Yehova.

Nipepese Mafumo Omuyani

(Onamakutha 10:8-11) Osogorhowa Nabuya omwaddela Aroni: ⁹ “Siku ninvolowinyu mmusagalani mogumana, kamumwe vinyo, kamumwe yomwa yina enlezeliha, nne weyo nne anawo wi munakwe. Nigano nthi ninouthiddani nyuwo na aninyu otene anadhegewo. ¹⁰ Eji munerelege othiyaniha dha Nabuya na dha athu, dhokoddela na dhokwaruliha; ¹¹ muwodhe vina wa-sunziha akadda Izrayel magano otene àvahile miyo na mulomo wa Mizé”.

w14 15/11 17 ddima 18

Kalaní Okoddela Mmereloni Mwenyu Mwetemwene

¹⁸ Wila nikale okoddelene ninofuniwana otanalela nofwaseya dhinengesihu Mmaleboni vina nikose ennifunana Yehova. Koona yotagiha ya Nadab na Abiú addumeyiwe na motto sabwa ya omperhekela Yehova ‘mukutto na mukalelo wohifanyelela.’ Enoneya ninga aweneya ahimala olezela. (Onam. 10:1, 2) Koona elogile Yehova na Aroni. (Kengesa Onamakutha 10:8-11.) Malebo aba anfuna anisun zihe wila kaninfwanyela omwa dholezeliha nigafunaga odhowa omatugumanoni? Nddowe none yologa eji: Iyo kaninkalawo na Malamulo a Mizé. (Rom. 10:4) Dhilabo dhina abalihu anomwa dholezeliha namukalelo wofwanyelela obe wopimeleleya agajaga vina agafunaga odhowa omatugumanoni. Vapaskwani yanlabihedhiwa nakoma wa vinyu. Vakosa Yezu Muttupo wa wubuwela okwa waye, iyene wahawaddela anamafwara aye wi amwe vinyu, yatonyihedha nikami naye. (Mt. 26:27) Enkoddiya Bibiliya ja omwa mpaka olezela. (1 Kor. 6:10; 1 Tim. 3:8) Akristu enjene kamwa-wene dholezeliha agafunaga okosa mabasa a Mulugu. Mbwenye mweddelo obu onottiyana mowiwanana na elaboya. Yattimaya mwa akristu ja oziwa ottiyaniha eli ‘yokoddela na yohifwanyelela’ wila nikale wokoddelene vamentoni va Yehova.

(Onamakutha 11:8) Vinama esi ka­muje-wene, kamuddiginye dhigakwa, dhinautotelini kwarula.

it-1 135 ddima 4

Vinama

Malamulo aba a ohija vinama dhokwarula dhalabihedhiwa nsaka na Mizé. Nona Onamakutha 11:8 onloga: ‘Dhinautotelini kwarula’ nyuwo ana Izrayel. Mbwenye modhela mukutto wa Yezu Kristu Malamulo aba kanlabihedhiwa masaka abano. Dhahene attu otene ali ofuruleyene ninga yanpadduwele Nowé vamalileye obudduwa mpangayani.—Kol 2:13-17; Wita 9:3, 4.

14-20 YA DEZEMBURU

MAFUMO A MAZU A MULUGU| ONAMAKUTHA 12-13

“Ninsunzavo Eni na Malamulo Alabihedhiwa na Attu Ana Maranya”

(Onamakutha 13:4, 5) Mureddayá agakana enddokó, eloddayá ekodda ovaya vina moyayá okodda otxena, namakutha arome omuthiya mureddayá vaye-vene mpaka malabo matano na meli. ⁵ Ngamala siku nanotanu nowili amwañgane vina;

wp18.1 7

Onolabavi obe Okumuwa?

• Muttu wakana maranya kattiyiwa okala na attu ena.

Malamulo anvahile Yehova Mizé aloga wi muttu wakana maranya wanfwanyela okala waye-wene. Mbwenyi adotoro o sipitale aziwile muvirele vyaka 700, moneyile viredda dhawopiha. Oromana masakene abale mpaka ddabuno masasanyedho aba anolabavi.—Onamakutha, kapitulu 13 na 14.

(Onamakutha 13:45, 46) Muliba maranya woneyile n’oreddayá abalege masala, athiye osamula, avikunele ofiyedha onddevoni, edde akuwaga dhahi: ‘Miyo dda mukwaruli! Miyo ddamukwaruli!’. ⁴⁶ Oredda wayeyá ohinamala, onoweddavi n’okwarula; oner’okalaga vaye-vene, otakulu wa sanjarha.

wp16.4 9 ddima 1

Wanziwa?

Nlogo na Ayuda, nannova orava maranya oneya nsaka nene nttile. Muttuya wakana maranya kawodha wubuwela deretu. Ereddaya eji kiyana murobwe vina yanraviheya. Dhibuno dha muttuya dhangwaddeya vina maningo aye anroma anongeya. Nona wana eredda eji wankokomeziwa okala wolapela na attu ali agumi vina yanfuneya wawaddela attuya wila okana maranya, anamwaddame.—Onamakutha 13:45, 46.

(Onamakutha 13:52) Dhiddumeyiwe vowi dhitapula mukurabwe wa maranya, onfwanyela otolotxiwe na motho.

(Onamakutha 13:57) Mukurabwe ogoneya wili vaguwoni, vathebeni, vosaluni, vanipapini na guwo, va elobo-jilobo ekosiwe na thebe, bubuwene wubuwile. Veneva eloboyá efwanyiwe na mukurabwe, eddumeyiwe vamothoni.

it-2 690 ddima 11

Muliba maranya

Numba na guwodha. Muttu wakana maranya guwo dhaye masiki dhikale dha lam obe linyu obe guwo dha ttebe. Enkala ninga guwo dhabala muttu wa maranya dhigafuliwa dhandaliwa wolapela. Guwo dha muttu wana maranya kofuliwa nanda badhigoneyanavi kori ya mataba a manddimwi obe kori yofila, guwodha dhanddumeyiwa. (Onam 13:47-59) Vagoneya kori ya mataba a manddimwi obe kori yofila veruguni ya numba, numbaya yammwaliwa. Txino yanfuneya oroma oburutxavo malugu a numbaya, virugudha dhankuputtiwa, malugu na alugumasaya dhanponyedhiwa mburho wavokeliwa zungu, wolapela na katti. Mbwenyi masiki dhawene numbaya kooneyavi kwarula yanfwanyela obwanyuliwavo miridha na vipano dhina badhirahieliwa wuddayi, wolapela na katti. Numba yokoddela (yotxena) yanfwanyela okoddelihiwavi. (Onam 14:33-57) Enlogiwa wi maranya oneya vaguwoni obe vanumbani wali mukurabwe obe mitipa, mbwenye kinziweya dderetu ebari-bariya.

Nipepese Mafumo a Omuyani

(Onamakutha 12:2) Muyana agambala mwana-mulobwana, onowàlama mpaka malabo matanu na meli; atadhiwe ninga masiku ankalaga iyene muyana munddimuwa.

(Onamakutha 12:5) Muyana agambala mawana-muyana, onwàlama sumana bili: atadhiwe ninga masiku ankalagiye muyana munddimuwa, onokalavi n’ozadde masiku makumatanu na nimodha na matanu na nimodha.

w04 15/5 23 ddima 2

Otapuleliwa Wa Nivuru Na Onamakutha

12:2, 5—Muyana Agambala Mwana Wakalelani ‘wokwarula’? Vyano dhinihu dhobalana dhikosiwe wi naabalegena attu owakwana. Mbwenyi sabwa yottega, nivirigana. Ambaliwa, aima ohakwana vina ottegene. Mudhidhi wakalani ‘wokwarula’ yataganyiheya na mudhidhi wakaliye muzadde obe elobo yina ninga mudhidhi wakaliye muyana munddimuwa, emissões seminais (mudhidhi worayila semen) eji yannawubutxedha ana Izrayel wila arava ottega. (Onamakutha 15:16-24; Masalmo 51:5; Roma 5:12) Malamulo a okala wokoddelene yannakamihedha orumela wi yanfuneya muttu oviperheka ninga mukutto wila dhileveleliwe dhottega dha nlogo, wila akale attu owakwana. Neji malamulo àli ninga ‘mole wanilela ofiyedha odha wa Kristu.’—Galásia 3:24.

(Onamakutha 12:3) Siku nanetanu noraru mwanayá agwaddiwe toga ya maningo aye.

wp18.1 7

Onolabavi obe Okumuwa?

• Siku nafwanyela ogwaddiwa toga.

Malamulo aloga wi mwana wanfwanyela ogwaddiwa toga ya maningo aye siku nanetanu na okalawo waye. (Onamakutha 12:3) Aima amalile-wene obaliwa, egavira sumana modha nikami nawa ninottamaga deretu. Mwanayá kogwaddiwa toga ya maningo aye vahinatti ovira mudhidhene obu, egamutotela makattamiho kuloga nikamina nigahikuttuwa vaddiddi. Nsaka na wale kadhaliwo mirobwe dhosipitale ninga masaka aba a ddabuno. Nona yanfwanyela ojedhela ovirha sumana modha wi egwaddiwe toga ya maningo aye.

21-27 YA DEZEMBURU

MAFUMO A MAZU A MULUGU | ONAMAKUTHA 14-15

“Wila Webedha Wehu Okale Wotxena Ninofwanyela Okala Wokoddela”

(Onamakutha 15:13-15) Onna oredda obu, ovuvawá ogamala, ajikire malabo matanu na meli oromana siku nivulumuwileye. Ngamala afule guwo dhaye, ahabe manje othorhorha; panmala okwarula waye. ¹⁴ Siku nanetanu n’oraru, athukule majiwa meli, peno ana-kangayiwa eli, afiyena vamentoni va Nabuya amvahe namakutha vamavolowelo va musagala mogumana. ¹⁵ Namakutha aperekele modha mukutho wothiddelana myeddo dhoddawa, yina mukutho woddumeya. Dhahene onomaliha vamentoni va Nabuya kwarula yadhile muvunani wa manje.

it-1 305

Ohaba

Ana Izrayel anfwanyela ohaba korava maranya, kottidda dhilobo dhittiddile muttu onna ‘eredda yovuva’, mulobwana onvuva bewu, muyana wabudduwa nikami obe oli malabo a muyana munddimuwa, obe akala anogonihana. Dhotene esi ‘dhinokwaruliha’ anfwanyela ohaba. (Onam 14:8, 9; 15:4-27) Muttu wakala vakuvi na maningo a muttu okwile obe wattidda maningoya ‘wankwarula,’ nona wanfwanyela ovikoddeliha na manje ottorhorha. Mukwaruli wahatamela ofwara malamulo aba a ovikoddeliha, ‘wanttamagihiwa munlogoni sabwani wankwaruliha musagala wa Yehova’. (Oleb 19:20) Ohaba oku wazinddiyeliha wila muttuya oli wokoddelene vamentoni va Yehova. (Masal 26:6; 73:13; Iza 1:16; Ezek 16:9) Ohabihiwa na mazu a ebaribari a Yehova, yazinddiyelihiwa ninga manje, animukoddeliha muttu.—Ef 5:26.

(Onamakutha 15:28-30) Obudduwa waye nikame ogamala, ajikire malabo matanu na meli; panmala okwaruliha waye. ²⁹ Siku nanotanu n’oraru athukule majiwa meli, peno kangayiwa bili, amvahe namakutha vamavolowelo va musagala mogumana. ³⁰ Namakutha athukulevo modha, ahelena mukutho wothiddelana myeddo dhoddawa; yina mukutho woddumeya. Dhahene onomaliha vamentoni va Nabuya kwarula yadhilena mobudduwani nikame.

it-2 805 ddima 5

Obudduwa nikami

Muyana wabudduwa nikami malabo menjene ‘akwaranyaga malabo anbudduwagiye nikami wankala wokwarula nsaka ntto notene’ engonela iyene, dhilobo dhattiddiye dhakala dhokwaruladhene vina attu attidda dhilobo dhakene ankwarula. Obudduwa waye nikami kogoma, wanjikira malabo matanu na meli pamala okwarula waye. Siku nanotanu n’oraru wanttukule majiwa meli obe kangayiwa bili, wannivaha namakutta wila ahelelena mukutto wottiddelana myeddo dhoddawa, mukutto mwina woddumeya amperhekele Yehova.—Onam 15:19-30; koona LIMPO, LIMPEZA.

(Onamakutha 15:​31) Dhawene panawodhege nyuwo wakamyedha akadda Izrayel okupiwa dhotakala dhawa, anadhe okwa thangwi y’okwaruliha numba yaga, eli vari vawa”.

it-2 724

Mburo Wokoddela

2. Musana mwatugumaniwa, odhile okola mparha. Vattaddo va musana vina vattaddo va musagala dhali mburo wokoddela. (Obud 38:24; 2Map 29:5; Mer 21:28) Dhobo dhattimadha dhakala otakulu, dhali ebuwa vaddumeyiwa mikutto na basiya ya nddarhama. Esi dhali dhomwebedhana Yehova. Dhihinatti ovolotxihiwa mumparani dhanfwanyela okoddelihiwa. Na mukalelo wakakene, kavo wafwanyela ovolowa mmusagalani bali wokwarula. Motagiha, muyana wakwarula kafwanyela ovolowa mburo wokoddela nne vina ottidda dhilobo dhokoddela. (Onam 12:2-4) Nona masiki ana Izrayel kokupa dhotakala dhawa bavolowile mmusagalani ankwarulaiha numba ya Yehova. (Onam 15:31) Waperheka mukutho wokupiwa maranya, wadhana mikuttodha vamavolowelo va musagala. (Onam 14:11) Muttu wokwarula kafwanyela ovolowa mmusagalani wi aperheke mukutto, agavolowa wanfwanyela egariwe munlogoni mwaye.—Onam 7:20, 21.

Nipepese Mafumo a Omuyani

(Onamakutha 14:14) Namakutha aruge nikame na enama ekutheliwe othiddelana myeddo dhoddawa asigihe toga yamwitxiddo ya niyaru nawújeni na muliba okupiwa, asigihe ebuno enddimuwa ya nlada naye n’omononi woja, vina ebuno enddimuwa ya nnyalo naye n’omononi woja.

(Onamakutha 14:17) Makurha ahalilemo mmadani mwaye, namakutha erena dhahi; asigihe toga yamutxiddo ya niyaru n’omononi woja, mwenemo mwasigihileye nikame na enama ekutheliwe oleveleliwana dhoddawa.

(Onamakutha 14:25) Namakutha agamalá omusija mwana-nibila wa mukutho wothidelana mweddo dhoddawa, athukule nikame n’enamayá asigihe toga yamutxiddo ya niyaru n’omononi woja wa namakupiwayá; asigihe ebuno enddimuwa ya nlada naye noja, n’ebuno enddimuwa ya nnyalo n’omononi woja.

(Onamakutha 14:28) Makurha hahalilemo mmadani mwaye, erena dhahi: asigwihe toga yamutxiddo ya niyaru n’omononi woja wa namakupiwayá; asigihe vina ebuno enddimuwa ya nlada naye noja, ebuno enddimuwa ya nnyalo n’omononi woja, mwenemo mwasigihileye nikame na enama yothiddelana myeddo dhothega.

it-3 150 ddima 1

Niyaru

Ottikitteliwa wa onamakutta o Izrayel. Mizé wahaddeliwa wi asigihe nikami na mbuzi niyaru nawujani na Aroni vamodha na anaye, vina mada awa oja na dhibuno dha mmanyalo dha omononi woja, eji yatonyihedha wi anfwanyela okosa matxinjo mwigumini mwawa, asakulege dhafwanyelani ovuruwana, mabasa afunani okosa na mukalelo wafwanyelelani wedda; yanfuneya atonyihedhe wi aweneya ankosa mabasa a Yehova. (Onam 8:22-24) Yakakene japadduwa na muliba maranya, Malamula aloga wi namakutta wanfwanyela ottukula nikami na mbuzi niperhekeliwe dhoddawa vina makura, wi namakuttaya asigihe niyaru na nlada n’oja na muliba maranya. (Onam 14:14, 17, 25, 28) Mudhari wanddemuliwa niyaru na mfonddo, ovenyana venevo pakaliyevi mudhari wowiwelela, wororomelya.—Obud 21:5, 6.

(Onamkutha 14:43-45) Nddoma nigoneya ddila yina, vamalilani ogomolavo masizola aravile, ovalavo, ozirhima, namakutha eyelelewo one numbayá. ⁴⁴ Agafwanya nnddoma thunuwile, kuloga wi kanintolowa; nona numbayá enoraviha kwarula. ⁴⁵  Egujuliwe numbayá yotene: maluguyá, miridhá, makalipathiyá dhithutheliwe dhetene otakulu wa muthethe, dhirayileliwe vamburoni wa dhokwarula.

g 1/06 14, kasha

Mukurabwe—Marho vina Mwiddani!

BIBILIYA ONOLOGA MWAHA WA MUKURABWE?

Bibiliya onloga wi ‘nddoma nigoneya va erugu ya numba’, aaddanaga numba yotene. (Onamakutha 14:34-48) Enkala ninga nddoma naziwiwa vina ninga ‘maranya awopiya’, yali ninga mukurabwe, mbwenye ebari-bariya kinziweya deretu. Masiki ehiziweyaga, Malamulo a Mulugu ankokomeza wi vagoneya nddoma vanfwanyela oburutxavo malugu, okuputta virugudha dha numbaya enna nddoma, egoneya wili numbaya yantwiwa, dhanguddiwa dhotedhene dhimagiwena numbaya badhiponyedhiwa mburho ‘wohifwanyelela’ wolapela na katti. Makokomezo aba atonyihedha okwela onddimuwa ona Yehova na nlogo naye.

28 YA DEZEMBURU–3 YA JANERO

MAFUMO A MAZU A MULUGU | ONAMAKUTHA 16-17

“Mukutto Wottiddelana Myeddo Dhoddawa”

(Onamakutha 16:12) Onodhaliha yobo ya lubani na makarha othidda, anathukuleye v’ebuwani eli vamentoni va Nabuya; onothapa malada meli a lubani otxiliwe. Dhetene esi onovolowana okwaranya guwo emmwalaniha wibuwani n’oku onkala athu.

w19.11 21 ddima 4

Ninsunzavo Eni na Nivuru na Onamakutha

⁴ Kengesa Onamakutha 16:12, 13. Katanalela yapadduwa Siku na Oleveleliwa Dhottega: Namakutta munddimuwa wanvolowa mmusanani. Eji yakosiwa dila yoroma mwa dila ttaru dhavolowa namakutta munddimuwa mburo Wokoddela-koddela valaboni. Mono mmodha, wattiddela nakoma wana lubani wonukela, mono mwina wattukula yobo ya nddarhama yana makarha ottidda. Iyene wanroma wimela osogorho wa guwo yakunela omavolowelo wa mburo Wokoddela-koddela. Na nriho, iyene wanvolowa omburoni Wokoddela-koddela vina wannimela osogorho wa yobo ya nipagano. Eji yoniha ninga iyene olowimela vamentoni va Yehova Mulugu! Nofwaseya namakuthaya wankuttulela lubani vamakarhani ottidda, vina mburoya wannukela pama. Osogorhowa, iyene wanvolowa wili omburoni Wokoddela-koddela na nikami noleveleliwana dhottega. Iyene wanddumeya lubani ahinatti operheka nikami noleveleliwana dhottega.

(Onamakutha 16:13) Onokuthelela dhonukeladhá, vamothoni vamentoni va Nabuya, onirela witxiyá okunele mukunelo wa yobo muli dha Nipagano; iyene anadhe okwa.

w19.11 21 ddima 5

Ninsunzavo Eni na Nivuru na Onamakutha

⁵ Ninsunzavo eni na lubani walabihedhiwa Siku na Oleveleliwa Dhotega? Bibilia ononiha wi malobelo a emeleli ororomeleya a Yehova ali ninga lubani. (Masal. 141:2; Ovuh. 5:8) Kobuwela, namakutta munddimuwa wantonyihedha nriho ninddimuwa avolowagana lubani vamentoni va Yehova. Na mukalelo wakakene, niganfiyedhaga Yehova na malobelo, nikosege na nriho ninddimuwa. Iyo ninomutamaalela Muttanddi wa dhilobo dhotene, sabwani ninowodha onfiyedha dhahene ninga munkosela mwana na babe. (Tia. 4:8) Iyene onnona ninga akwaye! (Masal. 25:14) Eji gari enddimuwa enihuna, nona kaninfuna omunyimula Yehova.

(Onamakutha 16:14, 15) Osogorhowá onothukula nikame na mwana-ñgombe, onowazela na ebuno mukunelo wa yobo muli dha Nipagano, epadde y’omusuwo dila tanu na bili. ¹⁵ Onosija mbuzi yapogo, ahelele mukutho wothiddelana myeddo dhoddawa dha nlogo; nikamená athukulele epaddi yina ya guwo emmwalaniha wibuwani n’oku onkala athu, eraga dhakakene dhirileye na nikame na mwana-ñgombe; awazele vadhulu va mukunelo na omulagowá.

w19.11 21 ddima 6

Ninsunzavo Eni na Nivuru na Onamakutha

⁶ Kobuwela wi namakutta munddimuwa wanddumeya lubani ahinatti operheka mikutto. Dhahene, iyene wankuluvela wi Mulugu agahirumeela mikutto dhigakosiliye. Txini ensunzavo iyo? Yezu bali velaboni ya vati, wahikosa elobo yamakamaka—vaddiddi opitta odhana ovuneya wa nlogo na attu—ahinatti operheka egumi yaye ninga mukutto. Elobo gani? Sabwa ya okalavi wororomeleya vina woweddeyana, Yezu osasanyedha dila wi Yehova arumeele mukutto waye. Dhahene, Yezu agahilagiha wi okalawo mowiwanana na efunelo Yehova japama. Yezu agahoniha—obe agahitonyihedha wi olamulela wa—Babe kwa pama vina komyala.

Nipepese Mafumo a Omuyani

(Onamakutha 16:10) mbuzi emfwanyele Azazél, eperekiwe wa Nabuya yamento-ene, ekale mukutho wokupana dhoddawa; ngamala etamagihedhiwe Azazél mwiddeddereni.

it-1 284 ddima 2

Azazel

Ninga mulogile murumiwi Paulo, Yezu operheka egumi yaye ninga mukutto wi avune dhottega dha nlogo na attu, ekosiliye enopitta mukutto wa ‘nikame na ñgombe na nikame na mbuzi.’ (Aheb 10:4, 11, 12) Yezu okala vamburoni va mukutto wa ‘nikami na ñgombe’, ottukula ‘viredda dhehu’ ‘otabutxiwa mwaha wa dhottega dhehu’. (Iza 53:4, 5; Mt 8:17; 1Ped 2:24) Iyene ‘ottukula’ dhottega dha etene anroromela mukutto wa waye. Eji enttonyihedha masasanyedho akosile Yehova wi agomihena dhottega dha nlogo na attu na mukala-kala. Dhahene mbuzi ‘yafwanyela Azazél’ yazinddiyela Mukutto wa Yezu Kristu.

(Onamakutha 17:10, 11) Muthu ddi muthu wa nlogo na Izrayel, peno mmalabo onkala na awene, agaja nama enna nikamená momo, ddinosilidhiwane, ddinomurimiha munlogonimwá. ¹¹ Nipara na egumi na enama ji enama thi nikame. Miyo ddiurumelihani okuthulela nikamená v’ebuwani, wi niheleliwege oleveleliwana dhoddawa dhenyu. Nikame thinthimiha kwarula, vowi mwenemo puniteya egumi.

w14 15/11 10 ddima 10

Ninfwanyelela nni Okala Okoddela

¹⁰ Kengesa Onamakutha 17:10. Yehova ohawaddela ana Izrayel wi anajege ‘nama na nikamená’. Atadhe nikami—ya enama obe ya muttu—Akristu vina anofwanyela orabela. (Mer. 15:28, 29) Ninokala odhugudheyene nigobuwelaga wi Mulugu onele ‘onitolotxa’ vina ‘ ninele wigariwa munlogoni mwaye’. Iyo ninomukwela vina ninofuna omwiwelela Iyene, masiki egumi yehu ekalaga vangovini, kaninakose dhifunelo dha attu ahinimuziwa Yehova vina ahinimwiwelela. Ninoziwa wi ninele obeddiwa sabwa yohija, yohika vina yohikiwa nikami, mbwenyi nimwiwelelegevi Mulugu. (Jud. 17, 18) Txini enanikamihedhe ‘olibavi’ nikoddaga ohija nikami obe wikiwa nikame?—Olib. 12:23.