EPADDI 5

Wufugeliwani Mbabilonia Mpaka Ovenyihedhiwa Wa Marhinga A Yeruzalemi

Bali wufugeliwani mBabilonia, Aizraeli ahikaana dhoweha dhinjidhene dha nroromelo nawa. Sadraki, Mezaki na Abedinego aahivokedhiwa mu jugumani ya motho, mbwenye Mulugu wahaburutxamo na egumi. Vasogorhova, mumaleli Babilonia opemberhiwa na akudda Medo na Persia, Danieli wahivokedhiwa mu gurugudhani ya apoddogoma, mbwenye Mulugu vina wahimbarela modheela ofuga milomo dha apoddogomaya.

Omagomelowa, Siru mwene wa Persia ohafurula Aizraeli. Awene ahiyelela elabo yawa yobaaliwa muvireli txibarene vyaka 70 muthukuleliwani o Babilonia ninga afugeliwi. Modha mwa dhilobo dhiromilani okosa mwiyelelani o Yeruzalemi yali oroma omaga mparha wa Yehova. Mwa dhaene, mohigoneela amwiddani aahimetxa mabasa awa. Noona agomihile mparhaya othamagela vyaka 22 mumalelani wiyelela o Yeruzalemi.

Vasogorhova, ninosunza mwaha wa oleddo wa Esdra wowiyelela o Yeruzalemi wila akoddelihe mparha. Eji yali muvireli othamagela vyaka 47 mugomihedhiwe mparhaya. Mumalelani, vyaka 13 mumaleli oleddo wa Esdra, Neemia ohikamiha ovenyihedhiwa marhinga a Yeruzalemi agomowile. Epaddi YANOTANU enloga mwaha wa vyaka 152 dha mapadduwo mpaka mudhidhi obu.