Nunuwihe Ewodhelo Yehu Mmabasani a Olaleya—Niganvahaga Onamoona Muttu Onloga Elogelo Yina

Ekalelini ya Makamaka: Yehova onotanala ekalelo ya omuyani wa attu a malogo otene (Merelo 10:34, 35). Mwadhawene Yezu wahiloga wi muttaka wapama onere olaleyiwa “mwilaboni mwetemwene” vina ‘malogo otene.’ (Mt. 24:14) Zakariya wahittaga ologa wila attu “anabudduwe mmalogoni othiyana-thiyana” agahirumeela muttakaya. (Zak. 8:23) Mowiwanana na dhoonile murumiwi Joau, abale anaviluwe mmasosoni manddimuwa anakale attu anadheele “vilabo dhetene, mahimo etene, malogo etene, a vilogelo dhetene.” (Ovuh. 7:9, 13, 14) Na mukalelo ninga obwene, niganfanya muttu mmuruddani mwehu onloga elogelo yottiyana, ninofanyeela onvaha onamoona.

Ninakose Dhavi?

• Okale womala nawale. Kattukula livretu Boas Novas Para Pessoas de Todas as Nações. Oziwelemo mpaddi onloga “Como Ajudar Quem Fala Outra Língua” onfanyeya omaromelo wa livretuya. Okale txenjewa na elogeloya, vina otomole vidiyu obe manivuru a elogelo yaye mu jw.org mmuttittoni mwawo obe epano yina yorumiha. Olabihedhe JW Language wi musunze ddima dhing’onovi. Akala mitugumano dhiina dhilogelo dhottiyana dhinolaba murudda mmodhene, onofanyeela ottukula manivuru a elogelo ya mutugumano wawovi bahi ogadhowaga olaleya numba na numba. Mbwenye ogadhowaga olaleya vanamwinjini mmiruddani dhina dhilogelo dhottiyana-ttiyana, onofanyeela ottukula manivuru a dhilogelo dhottiyana-ttiyana wi owodhe wagawela attu anafanyiwe.

• Weyo oganfanya muttu ohinloga elogelo yawo, kakosa enufanyeela wi onfiyedhena “matikiniho a Mulugu” na elogelo yaye. (Merelo 2:11) Kamulagihe kakamwe jw.org wi akane miselu dhina dha elogelo yaye. Agalagiha efunelo, mohigonela kattikitta njangarha Queira Visitar (S-43) ogamala onvahedhe mulebi wa mmulogoni mwawo. Wattekenyelegevi muttitto attu antonyihedha efunelo mpaka awene onfanya namalaleya onloga elogelo modhene.

Kakosa Ejene Mweri Obuno

• Ogakosaga Webedha wawo wa Ntakulu, kakosa mulagiho onvahaga onamoona muttu ohinloga elogelo yakene.