Olaleya na Dhilogelo Dhina

Na mukalelo wasasanyedhile Yehova ana Izrayel, masaka abano vina onosasanyedha nlogo naye wila amukosele mabasa ottiyana-ttiyana. Orurugunuwa elabo yotene nikana mabasa ankosiwa o’katti, mabasa aweddelela milogo, mabasa a mulogoni vina mabasa a olaleya miselu dhapama dha omwene. Iyo ninowalaleya attu otene masiki na abaleya ahinloga elogelo yehu.—Ovuh 14:6, 7.

Enowodheya osunza dhilogelo dhina wila wakamihedhe attu ena osunza ebari-bari? Akala weyo kunetxa mudhidhi enowodheya osunza dhilogelo dhina olabihedhaga aplikativo JW Language wila owodhe ologana mazu oromana makani. Ogamala katagiha obudduwa malaleyoni na mbali onloga elogeloya ejo, attu ena anloga elogelo ejile agawuvuruwana anele ologa ‘nawiwa alogaga matikiniho a Mulugu’ na elogelo yehu.—Mer 2:7-11.

KOONA VIDIYU OKALE MARHO WA YEHOVA—OLALEYA NA DHILOGELO DHINA, OGAMALA WAKULE MAVUZO ANFWARELA:

• 

  Aplikativo JW Language enawukamihedhe dhavi?

• 

  Dhilobo gani dhinfwanyeya mu aplikativo eji?

• 

  Dhilogelo gani dhinloga attu ankala murudda onlaleyiwe?

• Txini enakosiwe akala muttu ohinloga elogelo yawo onolagiha efunelo dha miselu dha Omwene?—od 100-101 ddima 39-41