YEDDELO YA AKRISTU

Nunuwihe Ewodhelo Yehu Mmabasani a Olaleya​—Nakamihedhe Anamasunza a Bibilia Odhowagavi Vasogorho Mpaka Obatiziwa

EKALELANI YA MAKAMAKA: Enfuneyetxa wi anamasunza a Bibilia akose, ja wogolela merelo awa alupelaga ttarho enafiyiha wubatiziwani; dhawene panadhani okala owiwanana na Yehova. (1Ped 3:21) Voroma agubelevi merelo apama, agamala alupele mmuddonddoni mwa abale aniwananiha okalawo wawa n’ejile epikirelani. (Masal 91:1, 2) Akristu kaniviperhekela muttu, nne nikuru na attu obe ganyo​—aniviperhekela Yehova bahi. Jijene enfuneyetxa wi anamasunza a Bibilia onuwihetxe omukwela wawa Mulugu.​—Rom 14:7, 8.

NINAKOSE DHAVI:

• Mugasunzaga, kewananiha museluya na ekalelo ya Yehova. Kudduwale ompanga namasunza yawi enofuneya iyene omwengesaga Bibilia, ‘ahimukaanelaga owara.’​—1Tes 5:17; Tia 4:8

• Omulibihe namasunza wawo wi obatiziwa okale nipikirhelo na mmurimani mwaye. Omukamihedhe ofanya dhawira dhapama, ninga motagiha ovahaga maakulo omatugumanoni, obe walaleya anamwanddamani vina anamalaba akwaye. Kudduwale; Yehova kanimukokela muttu omulaba. Muttu-muttu ddingana yeka omulabela Yehova.​—Obud 30:19, 20

• Kamuwaralihevi namasunza wawo wi awodhe okosa masadduwo animpangarhaza Yehova vina animuttukulela wubatiziwani. (Gano 27:11) Namasunza wa Bibilia eddihiwege vang’ono vang’ono wi arule omuttu waye wa wale na meddeloyá, attukule merelo maswa. (Ef 4:22-24) Kasunzani vamodha mutoma wa A Sentinela onloga: “A Bíblia Muda a Vida das Pessoas”

• Omwaddele dhopurelamo dhinkaniwena vanimulabeliwe Yehova.​—Iza 48:17, 18